ប្រភេទ មើមស្ពៃ វាអាចចាត់ទុកជា ថ្នាំយិនសិនពណ៌ស ព្រោះតែវាជួយព្យាបាល ដល់សុខភាពយ៉ាងល្អ ។
ប្រភេទមើមស្ពៃនេះមាន ២ ប្រភេទ គឺពណ៌ស និង ការ៉ុត ។ ប្រភេទពណ៌ស ត្រូវបានគេហៅថា ជាឆៃថាវ ដែលអាចចាត់ទុកថាជាយិនសិន ។
នៅក្នុង ឆៃថាវ ១០០ ក្រាម មាន ប្រូទីត ១,៤ ក្រាម គ្លុយស៊ីត ៣,៧ ក្រាម សែលុយឡូស ១,៥ ក្រាម កាល់ស្យ៉ូម ៤០ មីលីលីត្រ ផូស្វ័រ ៤១ មីលីក្រាម ជាតិដែក ០,៥ មីលីក្រាម វីតាមីន B1 ០,០៦ មីលីក្រាម វីតាមីន B2 ១២មីលីក្រាម វីតាមីន C ៣០ មីលីក្រាម …។
ប្រភពព័ត៌មាន Oriental បានឲ្យដឹងថា ឆៃថាវ អាចព្យាបាល ជំងឺក្អកចេញឈាមចេញតាមមាត់ របេង សួត រលាកទងសួត ។ លើសពីនេះទៅទៀត នៅពេលដែលកុមារក្អក អាចប្រើទឹកឆៃថាវ ផឹក ក៏ដូចជាឱសថ បង្ក្រាបក្អក មានប្រសិទ្ធភាព ។
ក្រៅពីនេះ ឆៃថាវ ក៏អាចជួយព្យាបាលដល់ដំបៅក្នុងមាត់ និងជំងឺមុនជាដើម ។ អ្វីដែលកាន់តែពិសេសនោះ សំបកឆៃថាវ បើសិនជា យកមកត្រាំក្នុងទឹកឃ្មុំ ក៏ជួយព្យាបាលជំងឺគ្រួសក្នុងតំរង់នោម ផងដែរ ៕
មតិយោបល់