ភ្នំពេញ: នៅវេលាម៉ោង ១និង៥០នាទីរសៀល ថ្ងៃទី១០ ខែសីហា ឆ្នាំ២០២២ ស្ថិតតាមបណ្ដោយផ្លូវ ម៉ៅសេទុង សង្កាត់ផ្សាដើមគរ ខណ្ឌទួលគោក មានករណី មនុស្សដេកស្លាប់ កើតឡើងចំនួន០១លើក ។

ជនរងគ្រោះឈ្មោះ ឆាន ប៊ុននី ភេទប្រុស អាយុ ៣៩ឆ្នាំ មុខរបរ សន្តិសុខ ក្រុមហ៊ុនឯកជន ស្នាក់នៅមិនពិតប្រាកដ មានស្រុកកំណើតនៅ ស្រុកពាមជរ ខេត្តព្រៃវែង មានប្រពន្ធ ៣នាក់ និងកូន ៣នាក់។

ដំណើររឿង៖ យោងតាមការរៀបរាប់របស់ក្មួយស្រីជនរងគ្រោះ បានឲ្យដឹងថា មុនពេលកើតហេតុមួយសប្ដាហ៍ពូរបស់នាង បានសន្យាថា ពេលបើកប្រាក់ខែនឹងជូននាងទៅញ៉ាំអី ប៉ុន្តែអកុសលបែរជាមកដេកស្លាប់លើកង់បីទៅវិញ។

បច្ចុប្បន្ន សពរង់ចាំនគរបាលបច្ចេកទេសកោសល្យវិច័យពិនិត្យរួច ដើម្បីរកមូលហេតុនៃការស្លាប់ និងប្រគល់ជូនក្រុមគ្រួសារ យកទៅធ្វើបុណ្យ៕