អតីត​អ្នកចាត់ការទូទៅក្លិបបិសាចក្រហម លោក Sir Alex Ferguson ថ្មីៗនេះ បាន​ធ្វើការគាំទ្រ​ចំពោះ​អ្នកចាត់ការនាពេលបច្ចុប្បន្ននៅ Old Traford ដោយសង្ឈឹមលើលោក Van Gaal អាចសម្រេចគោលដៅជួយបិសាចក្រហមបាន​។​
ទន្ទឹមជាមួយនឹងជំនឿរបស់ Sir Alex Ferguson លោក Van Gaal បាន​ចេញមុខ​បកស្រាយភ្លាមៗថា ​”ការដាក់ជំនឿនេះ គឺជា​ការដាក់សម្ពាធដ៏ធ្ងន់ធ្ងរ សម្រាប់ខ្លួន ​ដើម្បីសម្រេចលទ្ធផល​” ។​
បច្ចុប្បន្នបិសាចក្រហម ស្ថិតនៅលេខរៀងទី ៣ នៃតារាង Premier League ដោយប្រកួតចុងក្រោយបានត្រឹមតែស្មើ ជាមួយនឹងម្ចាស់ផ្ទះ Aston Villa ។
នៅថ្ងៃទី ២៦ ខែ ធ្នូខាងមុខ​នេះ ក៏ជាថ្ងៃ Boxing Day នោះ បិសាចក្រហម នឹង​ទទួលភ្ញៀវ Newcastle ផងដែរ ​ដោយរំពឹង​ថា​នឹង​ឈ្នះ ដើម្បីក្តាប់បាន​ពិន្ទុបន្ត ទម្លាក់ដៃគូប្រកួតប្រជែង​ ៕​