ប្រភពព័ត៌មាន The Guardian បានចុះផ្សាយ​នៅថ្ងៃទី ៤ ខែ មករា នេះបានឲ្យដឹងថា​​ ខ្សែបម្រើស្លាប របស់ កាំភ្លើងធំ Arsenal លោក Lukas Podolski បាន​លាអ្នកគាំទ្រ​កាំភ្លើងធំ​ទៅកាន់ ក្លិប Inter Milan បន្ទាប់ពីធ្វើដំណើរ​ទៅដល់ អ៊ីតាលី ​កាលពីល្ងាច​ថ្ងៃសុក្រ​។​
ដោយសារតែ ការ​លេងនៅក្លិប ​កាំភ្លើងធំ ​មិនមែនជា​តម្រូវការរបស់ខ្លួន នោះ កីឡាករ​សញ្ជាតិអាល្លឺម៉ង់​រូបនេះ ត្រូវបានគេមើលឃើញថា ​ចង់ផ្លាស់ ចេញពី Emirates ដើម្បីស្វែងរកការលេងឲ្យបានច្រើន​ ។ ដូចនេះ Lukas Podolski ក៏បានសម្រេចចិត្តលេង​ជាលក្ខណៈខ្ចីជើង ឲ្យ Inter Milan ​ក្រោយពីក្លិបនេះ​ឲ្យសេវាកម្មលេង​ថ្លៃគួរសម ។​
នៅពេលមកដល់អ៊ីតាលី កីឡាករ Lukas Podolski បាននិយាយថា “ខ្ញុំបាននិយាយទៅកាន់ Mancini ហើយខ្ញុំគិតថា គាត់ជាគ្រូបង្វឹកដ៏អស្ចារ្យ។ គាត់ចង់បានខ្ញុំ ហើយខ្ញុំក៏រីករាយណាស់ដែរ ​ “។​
បញ្ជាក់ផងដែរនៅរដូវកាលនេះ កីឡាករ Podolski បានលេង​ជាកីឡាករបម្រុងឲ្យ កាំភ្លើងធំ តែ ៧ ប្រកួតតែប៉ុណ្ណោះ ៕​