តារាចម្រៀងវ័យ ២២ឆ្នាំ នាង Selena Gomez បានចំណាយពេលវេលាជាច្រើនថ្ងៃនៅលើទឹកដីវាលខ្សាច់ Dubai សម្រាប់វិស្សមកាលចុងឆ្នាំចុង ព្រមទាំងបានឆ្លងឆ្នាំថ្មី ឆ្នាំសកលនៅទីនោះជាមួយនឹងមិត្តភ័ក្តិទៀតផង ប៉ុន្តែអ្វីដែលគេចាប់អារម្មណ៍នោះគឺថា នៅក្បែរខ្លួននាងមានបុរស Dubai ហាក់ដូចជាស្និទ្ធស្នាលនឹងនាងខ្លាំងណាស់។
ប្រភពព័ត៌មានជាច្រើនបាននិយាយថា ចាប់តាំងពី Selena Gomez មកដល់ Dubai នាងទៅណាមកណាជាមួយនឹង Harith Buckshaw វ័យ ២៩ឆ្នាំ រហូតដល់មហាជនជាច្រើនបាននិយាយថា បុរសម្នាក់នេះគឺជាគូស្នេហ៍ថ្មីរបស់ Selena ដោយពួកគេលួចបង្កើតភ្លើងស្នេហ៍ស្ងាត់ៗ។ Harith Buckshaw ជាស្ថាបនិកមួយរូបដែលបានបង្កើតទីភ្នាក់ងារមួយមានឈ្មោះ Bukhash Brothers។
គួរបញ្ជាក់ផងដែរថា ប្រភពជិតស្និទ្ធបានលួចបង្ហើបប្រាប់ថា Harith គឺជាបុរសម្នាក់ដែលធ្វើឲ្យ Selena បំភ្លេចតារាចម្រៀងសម្បូររឿងអាស្រូវប្រចាំឆ្នាំ Justin Bieber បាន៕
មតិយោបល់