កំពង់ចាម៖ នារីបម្រើខារ៉ាអូខេយីហោ សម័យទំនើប ម្នាក់ត្រូវបាន ជនដៃដល់ដែលគេដឹងថា ជាឈ្មួញរកស៊ីឈើរប្រណីតនិងមានឈ្មោះជាទាហ៊ានអង្គរក្ស (ង៧០)ឈ្មោះជឿន ហេងហៅផូ បានវាយដំទាត់ធាក់ធ្វើរទារុណកម្ម រួចអុសចូលរថយន្តយកទៅរំលោភនិងគំរាមសំលាប់ យ៉ាងព្រៃផ្សៃ។
ហេតុការណ៍នេះកើតឡើងកាលពីយប់ថ្ងៃទី០៧ ខែមករា ឆ្នាំ២០១៥ ក្នុងបន្ទប់លេខ៩៩៩៩ ការ៉ាអូខេសម័យទំនើបស្ថិតក្នុងភូមិបឹងស្នាយ សង្កាត់សំបួរមាស ក្រុង-ខេត្តកំពង់ចាម ប៉ុន្តែសមត្ថកិច្ចហាក់ដូចជាស្ទាក់ស្ទើចំពោះចំណាត់ការសំណុំរឿងនេះ ក្រោយពីកើតហេតុនាងបានមកដាក់ពាក្យបណ្តឹងនៅប៉ុស្តិ៍រដ្ឋបាល សង្កាត់សំបួរមាស ក្រុងកំពង់ចាម ខេត្តកំពង់ចាម។
បើយោងតាមការលើកឡើងរបស់ស្ត្រីឈ្មោះ ស៊ិន តី អាយុ ២៨ឆ្នាំ រស់នៅសង្កាត់ខាងលើ បានរៀបរាប់ប្រាប់អ្នកសារព័ត៍មានទាំងរូបរាងស្នាមជាំជាច្រើនកន្លែងថា វេលាម៉ោង ប្រហែល ០០៖៣០នាទីយប់ចូលថ្ងៃទី០៨ ខែមករា ឆ្នាំ២០១៥ មានមេការឈ្មោះ ម៉ី បានហៅនាងដោយប្រាប់ថា មានភ្ញៀវចង់ជួប ហើយពេលនាងមកដល់បន្ទប់លេខ៩៩៩៩ ឃើញបុរសម្នាក់ឈ្មោះ ជឿន ហេង អាយុ ៣៤ឆ្នាំ រស់នៅស្រុកកំពង់សៀម ខេត្តកំពង់ចាម កំពុងច្រៀងនៅទីនោះ ហើយនាងឃើញខ្លាច ពីព្រោះបុរសនោះឲ្យតែជួប ធ្លាប់វាយដំជ្រំធាក់នាងជាច្រើនដងមកហើយ ដូចករណីយប់ថ្ងៃទី០៧ ខែមករា នេះ។
ស្ត្រីឈ្មោះ ស៊ិន តី បាននិយាយរៀបរាប់បន្តថា កន្លងមកនៅឯកន្លែងបបរសរ គល់ស្ពានគីហ្សូណា ក៏បានវាយដំទាត់ធាក់នាងម្តងដែរ ប៉ុន្តែកន្លងមកនាងមិនហ៊ានដាក់ពាក្យបណ្តឹងទេ ទើបតែហ៊ានដោយសារយប់ថ្ងៃទី០៧ ខែមករា នោះក្រោយពីវាយដំអូសនាងចូលរថយន្ត រួចបង្វំឲ្យដេកជាមួយ នៅផ្ទះសំណាក់ភ្នំប្រុស II ហើយបើមិនព្រមទៅព្រមានថា នឹងបាញ់ចោលដោយការខ្លាចក៏ព្រមទៅ។
ស្ត្រីរងគ្រោះសូមសំណូមពរ ដល់អភិបាលខេត្តកំពង់ចាម និង ស្នងការខេត្ត ជួយពិនិត្យសំណុំរឿងរបស់រូបនាង និងមេត្តាជួយរកយុត្តិធម៌ដល់រូបនាងផងដែរ ដើម្បីកុំឲ្យជនថោកទាបនេះ តាមវាយធ្វើបាបរូបនាងបន្ត។
ចំពោះព័ត៍មានដែលថា ឈ្មោះជឿន ហេងហៅផូ គឺជាកូនចៅរបស់ឧកញ៉ា លី ឈុនអ៊ូ នោះ ត្រូវបានឧកញ៉ាប្រាប់តាមទូរសព្ទ័ថាឲ្យទៅសួរវាខ្លួនឯងទៅ!(សួរ ជឿន ហេងហៅផូ)តើវាជាកូនចៅខ្ញុំមែនឬអត់រួចក៍បិទទូរសព្ទ័។
ទាក់ទងនិងករណីនេះដែរប្រភពព័ត៍មានចុងក្រោយបានឲ្យដឹងថា ជនសង្ស័យដៃដល់ ជឿន ហេងហៅផូ កំពុងត្រូវបានសម្មត្ឋកិច្ចនគរបាលជំនាញខេត្តកំពង់ចាម ស្វះស្វែងរកចាប់ខ្លួនបន្ទាប់ពីមានចំណាត់ការរបស់លោក ស្នងការ បែន រត្ន័ ៕
មតិយោបល់