អ៊ីតាលី៖កីឡាករ Paul Pogba មិនបានបិទទ្វារ ឬផ្លូវរបស់ខ្លួន ត្រលប់ទៅកាន់ក្លិប បិសាចក្រហម បន្ទាប់ពីបានប្រកាសថា គាត់នៅតែស្រលាញ់ក្លិបអតីតរបស់ខ្លួន ។
កីឡាករសញ្ជាតិបារាំងរូបនេះ បានចាកចេញពី Old Traford នៅក្នុងឆ្នាំ ២០១២ ប៉ុន្តែចាប់តាំងពីពេលនោះ មកគា់បានអភិវឌ្ឈន៍ខ្លួនក្លាយជាកីឡាករខ្សែបម្រើវ័យក្មេង លេងល្អបំផុត លើពិភពលោកនៅក្លិប Juventus. ។
តំណាងកីឡាករ របស់ Paul Pogba បានបង្ហើបថា កីឡាករអាយុ ២១ ឆ្នាំរូបនេះ ប្រហែលជាជិតបញ្ចប់ពេលវេលា ជាមួយនឹង ក្លិបអ៊ីតាលី ដោយអាចទៅលេងជាមួយនឹង តោខៀវ ឬបិសាចក្រហម។
ទោះបីជាយ៉ាងនេះក្តី ការចាកចេញពីបិសាចក្រហម ទាំងក្រហល់ក្រហាយ នៅក្រោមការគ្រប់គ្រងរបស់ Sir Alex Ferguson លោក Paul Pogba នៅតែមានឆន្ទះ ទៅកាន់កន្លែងចាស់របស់ខ្លួន។
Paul Pogba បានប្រាប់សារព័ត៌មាន ថា នៅពេលនោះ គ្រូបង្វឹកមានទំនុកចិត្តលើខ្ញុំ នៅបិសាចក្រហម តែគ្មានឱកាសលេង លោក នៅចាំថា Ferguson បានប្រាប់ថា ដល់ពេលវេលាអ្នកហើយ ។ បើទោះបីប្រាប់យ៉ាងនេះ ពេលវេលា នៅតែគ្មាន ហើយដល់ពេលនេះ ខ្ញុំនៅតែស្រលាញ់ក្លិបបិសាចក្រហម ៕
មតិយោបល់