យោងតាមសារព័ត៌មាន មេត្រូ ដែលចុះផ្សាយនៅពេលថ្មីៗនេះបានឲ្យដឹងថា ម្ចាស់ពានរង្វាន់ Ballon d’Or កីឡាករ Cristiano Ronaldo បានចែកផ្លូវគ្នាដើរ ជាមួយនឹងតារាម៉ូដែល Irina Shayk ខណៈដែលនាង Unfollow កីឡាករព័រទុហ្គាលនេះនៅលើធ្វីតទ័រ ។
ក្រោយពីទទួលបានពាន Ballon d’Or ដែលជាកីឡាករលេងល្អប្រចាំឆ្នាំ ២០១៤ នោះ Ronaldo បានលេចឭពាក្យចចាមអារាមថា បានចែកផ្លូវគ្នាដើរ ជាមួយនឹង តារាម៉ូដែលរុស្ស៊ីនាង Irina Shayk បន្ទាប់ពីមិនឃើញស្រីស្រស់រូបនេះ ចូលរួមក្នុងព្រឹត្តិការណ៍ លើកពានរង្វាន់របស់ Ronaldo ។ កន្លងមក គេចាំបានថា រាល់ព្រឹត្តិការណ៍របស់ក្លិប Real Madrid ជាពិសេសវត្តមានរបស់ Ronaldo ក្នុងព្រឹត្តិការណ៍ណា ក៏នាងចូលរួមដែរ តែប្លែកអ្វី លើកនេះ នាងមិនចូលរួម ។ ទន្ទឹមជាមួយនឹងគ្នានេះដែរ សារព័ត៌មាន ក្នុងប្រទេសអេស្ប៉ាញ បានចុះផ្សាយថា ពួកគេបានផ្តាច់ចំណងស្នេហានឹងគ្នា ។ សារព័ត៌មាន El Mundo Deportivo បានចុះផ្សាយផងដែរថា ពួកគេបានចែកផ្លូវគ្នាមែនទែនហើយ ខណៈដែល នាង Irina Shayk បាន Unfollow កីឡាករ Ronaldo នៅលើធ្វីតទ័រ ៕
ព័ត៌មានជាតិ
មតិយោបល់