បន្ទាយមានជ័យ៖ អគ្គិភ័យបានឆេះ ផ្ទះប្រជាពលរដ្ឋ ដែលធ្វើអំពីឈើ ប្រក់សង្ក័សី មួយខ្នងនៅភូមិអន្លង់មានទ្រព្យ ក្នុងស្រុកមង្គលបូរី ខេត្តបន្ទាយមានជ័យ កាលពីម៉ោងប្រមាណ៩ ព្រឹក ថ្ងៃទី១៩ ខែមករានេះ។
ក្រោយពីមានករណីនេះ កើតឡើងភ្លាម គេបានឃើញ សមត្ថកិច្ចនិងប្រជាពលរដ្ឋ បានសហការគ្នា ជួយអន្តរាគមន៍និងយកទឹកមកជួយជះ តែដោយសារអណ្តាតឡើង ឆេះខ្លាំងពេក មិនអាចគ្រប់គ្រងស្ថានការនេះបានឡើយ។ តែភ្លាមនោះ គេបានឃើញរថយន្តបាញទឹករបស់ក្រុមហ៊ុម ចិន ដែលបាញ់ស្រោចទឹកផ្លូវមួយគ្រឿង និងរថយន្តពន្លត់អគ្គិភ័យរបស់ស្នងការដ្ឋាននគរបាល ខេត្ត១គ្រឿងបានមកជួយ បាញ់ពន្លត់ទាន់ពេល វេលា ទើបមិនបណ្តាលឲ្យឆាបឆេះរាលដាល ទៅផ្ទះប្រជាពលរដ្ឋ ដែលក្បែរនោះ។
នៅពេលនេះ គេមិនទាន់ដឹង ពីមូលហេតុ បណ្តាលឲ្យមានអគ្គិភ័យឆាបឆេះនេះមកពីអ្វីនោះដែរ ព្រោះពេលនេះ សមត្ថកិច្ចបានកំពុងធ្វើការ ហើយទំហំនៃការខូចខាតក៏មិន ទាន់ដឹងនៅឡើយដែរ៕
មតិយោបល់