កំពង់ធំ៖ហេតុការដ៏រន្ធត់មួយបានបង្ករឲ្យមានការភ្ញាក់ផ្អើល ដោយសារតែមច្ចុរាជយានយន្ត បានផ្តាច់ជីវិត គូសង្សាមួយគូរ បណ្តាលឲ្យស្លាប់ភ្លាមៗនៅនឹងកន្លែងកើតហេតុ ដែលបានបង្ករឡើងដោយសារតែទឹកប្តូរនិស្ស័យក្រោយពេលចេញពីហាងខារ៉ាអូខេម្លប់ដូងទៅរកទីឋានសួរសុខ ក៏ប្រទះនិងគ្រោះថ្នាក់ចរាចរណ៍ បណ្តាលឲ្យស្លាប់យ៉ាងអាណោចអាធ័ម ។ តាមការបញ្ជាក់ពីលោក វរៈសេនីយ៍ត្រី ហ៊ុន ហៀត អធិការការង ស្រុកស្ទោង ទទួលផែនចរាចរណ៍ សណ្តាប់ធ្នាប់ បានឲ្យដឹងថា នៅវេលាម៉ោង ១២.៣០នាទីយប់ ដោយមានរថយន្ត មិនស្គាល់អត្តសញ្ញាណ បានធ្វើដំណើរពីខេត្តសៀមរាប ឆ្ពោះទៅខេត្តខេត្តកំពង់ធំ លុះមកដល់ចំនុចកើតហេតុ ត្រូវបានបុកម៉ូតូម៉ាកសង់ សេ១២៥ សេរីឆ្នាំ ២០១១ បណ្តាលឲ្យមនុស្ស២នាក់ស្លាប់ភ្លាមៗនៅនឹងកន្លែងកើតហេតុ នៅចំនុចភូមិឈើទាល ឃុំ កំពង់ចិនត្បូង ស្រុកស្ទោង ខេត្តកំពង់ធំ ។
ជនរងគ្រោះទី១ ត្រូវបានគេស្គាល់ឈ្មោះសរ ស្រីកា ហៅស្រីនាង ភេទស្រី អាយុ ៣១ឆ្នាំ រស់នៅខេត្តស្វាយរៀង មកធ្វើអ្នកបំរើភ្ញៀវក្នុងខារ៉ាអូខេ យីហោ ម្លប់ដូង ដែលជាកម្មសិទ្ធរបស់លោក គ្រូ សារ៉ន ដែលជាគ្រូបង្រៀនស្ថិតនៅភូមិ មធ្យាយ ឃុំកំពង់ចិនត្បូង ស្រុកស្ទោង ខេត្តកំពង់ធំ ទី២ ឈ្មោះ សុខ កង ភេទប្រុស អាយុ៣៥ឆ្នាំ មានមុខរបរជាជាងផ្ទះ រស់នៅភូមិ បេង ឃុំ បន្ទាយស្ទោង ស្រុកស្ទោង ខេត្តកំពង់ធំ ។
សូមបញ្ជាក់ផងដែរ មុនពេលកើតហេតុគ្រោះថ្នាក់ចរាចរណ៍ មានស្ត្រីម្នាក់បានអះអាងថា ជាប្រពន្ឋជនរងគ្រោះ បានតាមរកប្តីរបស់គាត់ស្ទើរពេញមួយយប់ ដោយមិនឃើញទៅផ្ទះ ក្រោយមកទើបដឹងថា បុរសដែល បានស្លាប់ជាមួយស្រីសេ្នហ៍ខារ៉ាអូខេ ដែលបណ្តាលមកពីរថយន្តបុកនោះ ជាប្តីរបស់គាត់ អំណាច់នៃការខឹង នឹងលោកប្តីរបស់គាត់ គឺមិនខ្ចីស្រក់ទឹកភ្នែកសូម្បីតែមួយតក់ ដោយសារតែឃើញលោកប្តីបានស្លាប់ជាមួយ ស្រីម្នាក់ជាអ្នកបំរើការនៅក្នុងខារ៉ាអូខេ ហើយបានឲ្យគេលើកយកសាកសពទៅផ្ទះទាំងយប់។ ចំនែកស្រីសាកសពស្រីរងគ្រោះ ត្រូវបានសមត្ថកិច្ច ដឹកយកទៅតម្កល់ទុកនៅវត្តព្រះនាងរងចាំសាច់ញ្ញាតិមកទទួល យកទៅធ្វើបុណ្យតាមប្រពៃណី តែបើអត់មានសាច់ញ្ញាតិ និងត្រូវបូជាតែម្តងចំណែករថយន្តមិនស្គាល់ម៉ាក ក្រោយបានដាក់មេប្រូចបាត់ស្រមោល ៕
មតិយោបល់