បណ្ដាញទំនាក់ទំនងសង្គម Facebook នឹងធ្វើការវិនិយោគ និងអភិវឌ្ឍន៍បន្ថែមទៀតទៅលើ​កម្មវិធីជជែកកម្សាន្ត Facebook Messenger app ដោយនៅពេលខ្លីខាងមុខនេះនឹងដាក់ឲ្យប្រើប្រាស់សេវាកម្ម Voice-to-Text ដើម្បីផ្ដល់ភាពងាយស្រួល​ដល់​អ្នក​ប្រើ​ប្រាស់។ នេះបើយោងតាមការបញ្ជាក់ឲ្យដឹងពី​អនុប្រធានជាន់ខ្ពស់​ទទួលបន្ទុកផ្នែក Messenger។

លោក David Marcus បានថ្លែងឲ្យដឹងនៅក្នុងវេទិកា​ Digital Life Design Conference កាលពីថ្មីៗនេះថា សម្រាប់ឆ្នាំ ២០១៥ នេះ Facebook Messenger នឹង​កាន់តែអស្ចារ្យថែមមួយកម្រិតទៀតជាមួយនឹងសេវាកម្ម Voice-to-Text ​ដែល​ផ្ដល់​ភាព​ងាយស្រួល​ដល់​អ្នក​ប្រើប្រាស់​ជាង ៥០០លាននាក់ នាពេលបច្ចុប្បន្ន។

លោក Marcus បានបញ្ជាក់បន្ថែមទៀតថា Facebook បានធ្វើការសាកល្បងទៅលើសេវាកម្មនេះរួចរាល់ហើយ ហើយលោក​សង្ឃឹមថា វា​នឹងក្លាយជាសេវាកម្មមួយដែលពេញនិយមជាងគេនៅអាស៊ី ព្រោះថាជាទីផ្សារដែលមានភាសា​ផ្សេងគ្នា៕