ភ្នំពេញ៖ តារាកំប្លែងដ៏ល្បីល្បាញ មួយប្រាវមុន ខំបិទបាំងរឿងគ្រោះថ្នាក់ចរាចរណ៍ នាយ ពែកមី បានទម្លាយឲ្យដឹងថា ខ្លួនមិនមែនជាគូប្រជែងរបស់ នាយ កុយ នាយឃ្លោក និង អ្នកនាងគ្រតនោះទេ តែផ្ទុយទៅវិញជាអ្នកផ្លាស់ប្តូរវាសនាជីវិតរបស់ខ្លួនថែមទៀត ។
តារាកំប្លែងដែលមានដើមកំណើតជាអ្នកស្រុកស្វាយរៀង គឺជាតារាកំប្លែងដ៏ល្បីបំផុត ក្នុងព្រះរាជាណាចក្រកម្ពុជា នាពេលបច្ចុប្បន្ន ។ ក្រៅពី អាជីពជាតារាកំប្លែង នាយពែកមី នៅជោគជ័យ ក្នុងការច្រៀង សម្តែងរឿង ដឹកនាំរឿង និង កាត់សក់មង្គលការជាដើម ។
ជាមួយនឹងជោគជ័យនេះ នាយពែកមីបានទម្លាយឲ្យដឹងអ្នកដែលផ្លាស់ប្តូរវាសនារបស់ខ្លួន គឺមានពូកុយ មីងគ្រត និងលោកពូឃ្លោកដែលចុចឈ្មោះឲ្យខ្លួនជាប់ជាតារាកំប្លែង ហើយខ្លួនក៏មិនមែនជាគូប្រជែងរបស់ពួកគាត់ដែរ បើទោះបីជាមានអាជីពដូចគ្នា តែមិនដែលកាត់កុងអីគាត់នោះទេ ។ នាយពែកមី បន្ថែមទៀតថា អ្នកទាំងបីចាត់ទុកដូចជាគ្រូ និងជូនពរឲ្យសំណាងល្អក្នុងឆ្នាំថ្មីនេះ ។ ការថ្លែងការដឹងគុណនេះ គឺតាមរយៈរលកធាតុអាកាស ក្នុងអំឡុងពេលកំប្លែងរឿង “ឪពុកឯងទេកូន” កាលពី ថ្ងៃទី ៣ ខែ មករា ឆ្នាំ ២០១៥ ។
បញ្ជាក់ផងដែរថា រឿងនាយពែកមី 2Brother ជារឿងជាប់ចំណាត់ថ្នាក់កំពូល ក្នុងឆ្នាំ ២០១៤ ដែលរកចំណូលបានច្រើនជាងគេបំផុត ៕
ទស្សនាកំប្លែង “ឪពុកឯងទេកូន” ដូចខាងក្រោមនេះ៖
មតិយោបល់