វីដេអូ​ឃ្លិប​មួយ ​ដែលនិយាយអំពី ប៉ូលីស​ចរាចរណ៍ ចាប់បាន​អ្នកបង្កគ្រោះថ្នាក់​នៅលើដងវិថី ដោយ​មានផ្ទុកសារធាតុស្រវឹងក្នុងខ្លួន និងត្រូវបានប៉ូលីស​ យក​ឧបករណ៍ផ្លុំវាស់ជាតិអាកុល គឺជាវីដេអូឃ្លិបសំណើច និងល្បីបំផុត ក្នុងឆ្នាំ ២០១៤ ។​
ក្នុងវីដេអូឃ្លិបនេះ ប៉ូលីសចរាចរណ៍បានឲ្យជនបង្កគ្រោះថ្នាក់ ដែលផ្ទុកសារធាតុស្រវឹង​ក្នុងខ្លួន វាស់ជាតិអាកុល ដោយផ្លុំ បានតែពាក់កណ្តាល ក៏ថា ផ្លុំ អាលីង ឬ អាលីងហ្មង ដែល ក្លាយជា​ពាក្យមួយ ល្បីបំផុត ក្នុងឆ្នាំ ២០១៤ និងត្រូវបាន​​ក្រុមអ្នកលេង​បណ្តាញសង្គមយកពាក្យនេះ ​Comments ផងដែរ។​

សិល្បករម្នាក់ សុំមិនបញ្ចញឈ្មោះ បាន​​ឲ្យដឹងថា វីដេអូឃ្លិបនេះ ពិតជា​កំប្លែង និងអស់សំណើចបំផុត ហើយ​ខ្លួនខ្ញុំក៏យកពាក្យនេះ លេងជា Comments លើបណ្តាញសង្គមហ្វេសប៊ុកផង ដែរ ។​
ដោយឡែកយុវសិស្សម្នាក់ ឈ្មោះ ហ៊ុយ វិទ្យាល័យជាស៊ីមសន្ធរមុខ បាន​ឲ្យដឹងថា វាកំប្លែងណាស់បង វីដេអូនេះ ដោយត្រូវបានគេចែកចាយតៗគ្នានៅលើបណ្តាញសង្គមហ្វេសប៊ុក ក្នុងឆ្នាំ ២០១៤ និង ប្រើយកពាក្យអស់អាលីងហ្មង ​មកធ្វើជា​ Comments ហើយមិត្តភក្តិខ្ញុំក៏ដូចគ្នាដែរ ។ ប្អូនបានបន្ថែមទៀតថា បើពេលទំនេរ​អផ្សុក យកវិដេអូឃ្លិបនេះមកមើល វា​ញ៉ាំង ភាព​សប្បាយចិត្តមួយពេលផងដែរ៕​
ទស្សនាឃ្លិបវីដេអូដូចខាង​ក្រោមនេះ ៖