ខណៈដែលនាង Selena Gomez បង្ហាញខ្លួនជាសាធារណៈ រីករាយជាមួយនឹងមិត្តប្រុសថ្មីឈ្មោះ Zedd នោះ ស្រាប់តែ Justin Bieber បែជាយកធាងដូងងាប់បាំងមុខ ដើរនៅទីសាធារណៈវិញ។
កាលពីសប្តាហ៍កន្លងទៅ អ្នកប្រមាញ់រូប បានថតរូបភាពតារាចម្រៀង និងសម្តែង Selena Gomez បង្ហាញខ្លួនជាសាធារណៈជាមួយនឹងមិត្តប្រុសថ្មី ជាឌីជេ ឈ្មោះ Zedd ដោយបង្ហាញស្នាមញញឹមរួមគ្នានៅតាមផ្លូវ ក្នុងទីក្រុងឡូអេនជើឡេស ដើម្បីថតរឿងថ្មីរបស់ នាង Selena Gomez ។
ក្នុងអំឡុងពេលនោះដែរ បែរជាគេឃើញ តារាចម្រៀងកំពូលឈ្លើយ និងសម្បូររឿងអាស្រូវ Justin Bieber នៅ ហូលីវ៉ូត ដោយឲ្យអង្គរក្សខ្លួន យកធាងដូងងាប់ បិទបាំងមុខ គេចចេញពី កាម៉េរ៉ា របស់អ្នកប្រមាញ់រូប ។ ការបិទបាំងនេះ មានមូលហេតុដ៏ធំនិងចម្បង ដោយសារតែមុខរបស់ Justin Bieber ឡើងជំងឹមុន ទើបធ្វើដូច្នោះ ដើម្បីបញ្ចៀសចេញពី កាម៉េរ៉ា ។
ជាងនេះទៅទៀត បង្ហាញខ្លួននៅហាងទំនិញផ្សេងៗ ក៏តារាចម្រៀងរូបនេះ យកមួកបាំងមុខ គេចពីកាម៉េរ៉ាដូចគ្នាផងដែរ ៕
មតិយោបល់