តារាសម្តែងដ៏ល្បីល្បាញរបស់ពិភពលោក នាង Angelina Jolie ​បានបង្ហាញខ្លួន​នៅអ៊ីរ៉ាក់ ​ដើម្បីចូលរួមក្នុងសកម្មភាពមនុស្សធម៌ និង ថ្លែងសុន្ទរកថា​នៅទីនេះ ។​
កាលពីថ្ងៃទី ២៥ ខែ មករានេះ តារាសម្តែង Angelina Jolie បានបង្ហាញខ្លួននៅជំរុំ ជនភៀសខ្លួន ​នៅ កាន់កេ ប្រទេសអ៊ីរ៉ាក់ ​ ដោយចុះមកសួរសុខទុក អ្នកដែលគ្មានផ្ទះសម្បែង​ទាំងអស់នោះ ។ ជាងនេះទៅទៀត តារាសម្តែង​អាយុ ៣៩ ឆ្នាំរូបនេះ បាន​ថ្លែង​សន្ទរកថា នៅទីនេះ ជាច្រើនទៅកាន់ជនភៀសខ្លួន។​
នាងបាននិយាយថា “កន្លងមកខ្ញុំបានមកដល់អ៊ីរ៉ាក់ ដោយមានមនុស្សជាង ២​លាននាក់ បាន​​បង្ខំចិត្តចាកចេញពីផ្ទះសម្តែង ក្នុងរយៈពេល ៦ខែ ដោយសារតែជម្លោះ ស៊ីរី “។ នាងបានបន្ថែមទៀតថា ដោយសារតែយើងមិនអាចការពារពួកគេនៅតាមផ្ទះសម្តែង​បាន តែអ្វីដែលយើងអាច​ធ្វើបានគឺ នៅជំរុំនេះតែម្តង ។​
តារាសម្តែងដែលមានងារជា​ឯកអគ្គរដ្ឋទូតសុឆន្ទៈរបស់អង្គការសហប្រជាជាតិ បាន​មកធ្វើទស្សនៈកិច្ច​នៅមជ្ឈឹមបូព៌ា ​ជាច្រើនដង ។ នាងបានចូលមកដល់តំបន់ឃីដ របស់អ៊ីរ៉ាក់ នៅក្នងឆ្នាំ ២០១២ ទៅជំរុំភៀសខ្លួន នៅ Erbil និងសូមឲ្យបញ្ចប់ហិង្សាផ្លូវភេទ ដោយសារតែសង្គ្រាមនេះផងដែរ ៕​