លោក គិតម៉េង លោក លីយ៉ុងផាត លោកស្រី លីម ឈីវហួរ លោក កុកអាន លោក ម៉ុង រិទ្ធី លោក សុខ គង់ លោកស្រី ជីង សុខភាព ហៅយាយភូ លោក ពុងខៀវសែ និង លោក ស៊ី គង់ទ្រីវ អ្នកទាំង ៩ រូបនេះ សុទ្ធតែងារ​ជាឧកញ្ញ៉ា លំដាប់កំពូល និង ជា​អ្នកជំនួញដ៏ល្បីល្បាញ​ក្នុងស្រុកខ្មែរ ។​
តែ​បើសិនជាយើង ក្រឡេក មើលសកម្មភាព អ្នកជំនួញទាំង ៩ រូបនេះ ​ទាក់ទង​នឹងជិតស្និទ្ធជាមួយនឹងសង្គម ជាពិសេស​ជនក្រីក្រ គឺមានតែ ឧកញ្ញ៉ា ម៉ុង រិទ្ធី តែមួយគត់ ដែលបង្ហាញសកម្មភាពរស់នៅយ៉ាងជិតស្និទ្ធជាមួយនឹង កម្មកររបស់ខ្លួន និង ​ជនក្រីក្រផ្សេងទៀត ។ នៅឆ្នាំ ២០១៤ កន្លងមកថ្មីៗ​ គាត់ក៏បាន​បង្ហាញសកម្មភាពប៉ាវ​អ្នកសុំទាន ញ៉ាំអាហារ KFC ធ្វើឲ្យអ្នកលេងបណ្តាញសង្គមស្ងើច​សរសើរ មិនដាច់ពីមាត់ ជាមួយនឹង​សកម្មភាព​ មិនរើសអើងជាច្រើនទៀត​ ។ ទន្ទឹមជាមួយនឹងសកម្មភាពនេះ ត្រូវបានគេយល់ឃើញថា ឧកញ្ញ៉ា ម៉ុង រិទ្ធី សមនឹង​ជាប់ចំណាត់ថ្នាក់កំពូល​ ជា​ឧកញ៉ា មិនរើសអើងជនក្រីក្រ​ ។​

ដោយឡែក​​អ្នកជំនួញ​ជាប់ឈ្មោះអាក្រក់​ក្នុង​បញ្ហាដីធ្លី គឺមានតែ យាយភូ ម្នាក់គត់ ខណៈដែល​ឧកញ៉ា ៧ រូបផ្សេងទៀត ​ដូចជា​គ្មានបង្ហាញសកម្មភាពអ្វីជា​ដុំកំភួននោះ បើទោះបីជាគាត់ ​មានប្រាក់រាប់សិនកោដ្ឋលានដ៏ដោយនោះ៕​