ឯកឧត្តម ប៉ា សុជាតិវង្ស អភិបាលរាជធានីភ្នំពេញ បានអំពាវនាវឲ្យសង្គមស៊ីវិល និងអ្នកនយោបាយ បញ្ឈប់ការប្រើប្រាស់ប្រជាពលរដ្ឋធ្វើជាឈ្នាន់ ដើម្បីបម្រើមហិច្ចតារបស់ខ្លួន ដោយត្រូវទុកលទ្ធភាព ឲ្យប្រជាពលរដ្ឋទាំងនោះ ប្រកបរបររកស៊ី ក្នុងជីវភាពប្រចាំថ្ងៃក្នុងពិធីសម្ពោធសមិទ្ធិផលនានាក្នុងវត្តវិមានតេជះ ហៅវត្តស្រះចក ស្ថិតនៅក្នុងខណ្ឌដូនពេញ រួមមានកុដិ២ខ្នង កម្ពស់៤ជាន់ អគារសាលាបុណ្យ និងតម្កល់អដ្ឋិធាតុ១ខ្នង កសាងរបងព័ទ្ធជុំវិញវត្ត និងក្លោងទ្វារធំថ្មីចំនួន២ និងសមិទ្ធិផលជាច្រើនផ្សេងទៀត នាព្រឹកថ្ងៃអង្គារ ទី២៧ ខែមករា ឆ្នាំ២០១៥ ឯកឧត្តម ប៉ា សុជាតិវង្ស អភិបាលរាជធានីភ្នំពេញ បានអំពាវនាវឲ្យសង្គមស៊ីវិល និងអ្នកនយោបាយ បញ្ឈប់ការប្រើប្រាស់ប្រជាពលរដ្ឋធ្វើជាឈ្នាន់ ដើម្បីបម្រើមហិច្ចតារបស់ខ្លួន ដោយត្រូវទុកលទ្ធភាព ឲ្យប្រជាពលរដ្ឋទាំងនោះ ប្រកបរបររកស៊ី ក្នុងជីវភាពប្រចាំថ្ងៃ ។
ឯកឧត្តម ប៉ា សុជាតិវង្ស បានបន្ថែមទៀតថា សូមឲ្យភាគីសង្គមស៊ីវិល និងអ្នកនយោបាយទាំងអស់ កុំបំពុល ប្រជាជនឲ្យវិលវល់ ជាមួយនឹងសកម្មភាពទាំងឡាយណា ដែលធ្វើឲ្យប៉ះពាល់ជីវភាពរស់នៅប្រចាំថ្ងៃ និងប៉ះពាល់ដល់សណ្តាប់ធ្នាប់ សង្គមតទៅទៀត ។
ឯកឧត្តម បានបញ្ជាក់ទៀតថា ក្រុមអ្នកនយោបាយទាំងនោះ បានភ្ជាប់ប្រជាជន ជាមួយបញ្ហាផលប្រយោជន៍ផ្ទាល់ខ្លួន ដូចជារឿងនៅបឹងកក់ជាដើម គឺត្រូវបានគេប្រើប្រាស់ ដើម្បីយកចំណេញផ្នែកនយោបាយ ខណៈដែលបញ្ហានេះ មានគ្រួសាររាប់ពាន់បានទទួលយកគោលនយោបាយ ដោះស្រាយរបស់អាជ្ញាធររួចអស់ហើយ នៅសល់តែចំនួន២២គ្រួសារប៉ុណ្ណោះ ដោយចំនួននៅសល់នេះ ខាងអាជ្ញាធរនៅតែផ្តល់ដំណោះស្រាយ ដោយបានផ្តល់ដីមួយឡូរជូនផងដែរ ។
បើតាមការអោយដឹងពី លោក គួច ចំរើន អភិបាលខណ្ឌដូនពេញ បានបញ្ជាក់ថា សម្តេចព្រះឧត្តមចរិយាបណ្ឌិត ឈឹង ប៊ុនឈាន ជាព្រះចៅអធិការទី៨ ដែលបានមកគង់នៅ ដឹកនាំគ្រប់គ្រង ស្តារកិត្តិយស កេរ្តិ៍ឈ្មោះវត្តនេះឡើងវិញ នៅថ្ងៃទី២០ ខែកក្កដា ឆ្នាំ២០១០ ។សូមបញ្ជាក់ថា ក្រោមការដឹកនាំគ្រប់គ្រង របស់ព្រះចៅអធិការទី៨ គឺសម្តេចព្រះឧត្តមចរិយាបណ្ឌិត ឈឹង ប៊ុនឈាន ក្នុងឋានៈព្រះអង្គ ជាព្រះអគ្គាធិការរង ពុទ្ធិកសិក្សាជាតិ និងជាសមាជិកថេរសភា នៃព្រះរាជាណាចក្រកម្ពុជា ។
ព្រះអង្គបានកសាងនូវសមិទ្ធផលនានាក្នុងវត្ត ដូចជា សេនាសនៈ កុដិធំចំនួនពីរខ្នង កម្ពស់ពីរជាន់ អគារសាលាបុណ្យ សម្រាប់ធ្វើបុណ្យ និងតម្កល់អដ្ឋិធាតុ កសាងរបងព័ទ្ធជុំវិញ ក្លោងទ្វារធំថ្មីពីរ រៀបចំប្រព័ន្ធទឹក ភ្លើង លូ ឡើងវិញ និងរៀបចំដោះដូរចេតិយ ដែលមិនមានសណ្តាប់ធ្នាប់ ឲ្យទៅជាកន្លែងមួយសមរម្យ រួមនិងសមិទ្ធផលនានា ជាច្រើនទៀតផងដែរ ៕
មតិយោបល់