ភ្ញៀវភាគច្រើនធ្វើដំណើរទៅកាន់ សួនសត្វ Cebu Zoo តែងតែភ័យខ្លាច ប៉ុន្តែក្រោយពេលដែល ពួកគេទទួលបានការម៉ាស្យាពី ពស់ថ្លាន់ទៅ បែរជាពួកគេរីករាយទៅវិញ ។
នៅពេលដែលការម៉ាស្យា ប្រើប្រាស់ដៃ ជើង ឬ ម៉ាស៊ីននេះ លែងប្រើប្រាស់ ក្នុងប្រទេសឥណ្ឌូនេស៊ី ដោយប្រើប្រាស់ពស់ថ្លាន់ ជំនួសវិញ ដែលជាការម៉ាស្យា ដ៏ចម្លែក តែពេញនិយម ។
យោងតាមប្រភពព័ត៌មានដែលណែនាំពី Cebu Zoo នៅក្នុងប្រទេសឥណ្ឌូនេស៊ី កាម៉ាស្យា ពស់ថ្លាន់ មានសារៈប្រយោជន៍ យ៉ាងជ្រាលជ្រៅ ដែលអាចធ្វើឲ្យសាច់ដុំរឹងមាំ និង បំបាត់ការនឿយហត់ ។
នៅទីនេះដែរអតិថិជន អាចទទួលបទពិសោធន៍ ផ្សងព្រេង ជាមួយនឹងពស់ថ្លាន់ ៤ ក្បាល រុំលើរាងកាយរបស់អ្នក ។
ពស់ថ្លាន់ដែលប្រើសម្រាប់ម៉ាស្សានេះ មានប្រវែង ៥ម៉ែត្រ និងសរុបទម្ងន់ ២៥០ គីឡូក្រាម ។ ការម៉ាស្សានេះ នៅតែជាចំណុចភ័យខ្លាច ព្រោះថា អ្នកទាំងអស់គ្នា គ្មានសេចក្តីក្លាហាន ទទួលបទពិសោធន៍ដ៏ភ័យនេះឡើយ ។
លោក Giovanni Romarate អ្នកគ្រប់គ្រងសួនសត្វខាងលើ បានឲ្យដឹងថា អ្នកមកទស្សនានៅទីនេះតែងតែភ័យខ្លាច ប៉ុន្តែបន្ទាប់ពីទទួលបានការម៉ាស្សា ហើយនោះ ទើបពួកគេមានអារម្មណ៍រីករាយ។
បញ្ជាក់ផងដែរថា កន្លងមក សួនសត្វនវ មិនបានបង្កើតកាម៉ាស្សានេះទេ ប៉ុន្តែក្រោយទទួលបានការគាំទ្រ និងស្នើសុំពីអតិថិជន ទើបបង្កើតវាឡើង ។ ប្រាក់ចំណូលដែលទទួលបានពីការម៉ាស្សានេះ នឹងប្រើប្រាស់ ក្នុងប្រតិបត្តិការក្នុងសួនសត្វតែម្តង ៕
ព័ត៌មានជាតិ
មតិយោបល់