ក្រុងប៉ោយប៉ែត៖លោកឧកញ៉ាម្នាក់ នៅក្នុងខេត្តបន្ទាយមានជ័យ រងនូវការិះគន់ពីសំណាក់មហាជននៅទូទាំងក្រុងប៉ោយប៉ែត សព្វថ្ងៃនេះ ទាក់ទិនទៅនិងរឿងរំលោភបំពានលើដីចំណីផ្លូវ រថភ្លើងហើយបង្កការប៉ះពាល់ដល់ការរស់នៅ របស់ប្រជាពលរដ្ឋទៀតផង តាមរយះនៃការបុកគ្រឹះដើម្បីធ្វើរោងសម្រាប់ទទួលពលករមកពីប្រទេសថៃ សព្វថ្ងៃនេះ។
សូមបញ្ជាក់ដែលថា ក្នុងហេតុការខាងលើនោះ គឺកើតមានកាលពីដើមខែកុម្ភះ ឆ្នាំ២០១៥មកម្លេះ ដែលហេតុការនោះ ស្ថិតនៅក្នុងភូមិ សង្កាត់ និងក្រុងប៉ោយប៉ែត ខេត្តបន្ទាយមានជ័យ ជាប់និងផ្សាររ៉ាថ្មី សព្វថ្ងៃនេះ ខណះដែលគេឃើញលោកឧកញ៉ាម្នាក់បានរៀបចំលួចបុកគ្រឹះ គ្រោងដំឡើងរោងសម្រាប់ទទួលពលករដោយគ្មានការអនុញ្ញាតិពីអាជ្ញាធរអ្វីណាម្នាក់នោះឡើយ ប៉ុន្តែសកម្មភាពដូចខាងលើនោះ ត្រូវបានប្រជាពលរដ្ឋមួយចំនួន ដាក់ពាក្យបណ្តឹងទៅចៅហ្វាយក្រុង ប៉ោយប៉ែត និងទៅទីបញ្ជាការកងរាជអាវុធហត្ថក្រុង ដើម្បីធ្វើអន្តរាគមន៏ផងដែរតែពុំមានការលេចមុខមកធ្វើអន្តរាគមន៏ជូនប្រជាពលរដ្ឋឡើយ ។
លោកហង្ស ស៊ីផា ដែលជាឧកញ៉ាម្នាក់រស់នៅក្នុងខេត្តបន្ទាយមានជ័យ និងជាថៅកែផ្សារមង្គលមួយកន្លែងនៅក្រុងប៉ោយប៉ែត សព្វថ្ងៃនេះ ត្រូវមហាជនជាច្រើនបានលើកឡើងថា ជនមានអំណាចខាងលើនោះ តែងតែបង្កការលំបាកដល់ប្រជាពលរដ្ឋគ្រប់ពេលវេលា ដោយមិនគោរពសិទ្ធអាជ្ញាធរដែនដីនិងជនរងគ្រោះឡើយ ហើយការលើកឡើងរបស់ប្រជាពលរដ្ឋទាំងនោះ ក៏បានបញ្ជាក់ដែរថា លោកហ៊ានយកចំណីផ្លូវរថភ្លើង ក្នុងចំងាយ២០ម៉ែត្រ ប៉ែកខាងត្បូង ផ្លូវរថភ្លើង ទៅធ្វើជាកម្មសិទ្ធផ្តាច់មុខរបស់ខ្លួន ហាក់ដូចជាមិនគោរពកោតខ្លាចទៅលើមន្ត្រីជំនាញ រឺអាជ្ញាធរដែនដីឡើយ ពលរដ្ឋបានបញ្ជាក់ទៀតថា ខណះពេលនេះ គឺលោកឧកញ៉ាខាងលើនោះ កំពុងតែលួចបុកគ្រឹះ សាងសង់រោងសម្រាប់ដាក់ពលករខ្មែរ ដែលថៃបានបញ្ជូនមក ហើយការសាងសងរោងនោះ គឺធ្វើអោយប៉ះពាល់ដល់ប្រជាពលរដ្ឋ ដែលនៅក្បែរទីតាំងដែលកំពុងបុកគ្រឹះរបស់ជនមានអំណាចខាងលើនោះតែម្តង ពលរដ្ឋទាំងនោះបានសំណូមពរទៅដល់ថ្នាក់លើមេត្តាជួយពួកគាត់ផង ។
លោកឧកញ៉ាហង្ស ស៊ីផា បានប្រាប់តាមទូរស៏ព្ទថា កាលពីមុនលោកមានដីមួយកន្លែងជូនទៅគណះកម្មការក្រុង សម្រាប់ធ្វើរោងទទួលពលករខ្មែរដែលថៃបានបញ្ជូនមក លោកឧកញ៉ាដ៏ដែលបានបន្តទៀតថា ឥឡូវទីតាំងចាស់គឺលោកបានអោយគេរើចេញនាពេលដ៏ខ្លីខាងមុខនេះ ហើយយកមកដាក់នៅចំណុចជាប់ផ្លូវរថភ្លើងដែលលោកកំពុងធ្វើសព្វថ្ងៃនេះ លោកបានបន្តទៀតថា លោកមានការឯកភាពពីមន្ត្រីជំនាញកសាងផ្លូវរថភ្លើងត្រឹមត្រូវរួចហើយ តាមរយះនៃការធ្វើកិច្ចសន្យារួមគ្នាបើសិនជាមន្ត្រីជំនាញរថភ្លើងនោះត្រូវការដីមកវិញលោកសុខចិត្តរុះរើរោងដែលសម្រាប់ទទួលពលករនេះចេញហើយប្រគល់ដីជូនអោយស្ថានីយរថភ្លើងវិញ លោកហង្ស ស៊ីផា បានបន្តទៀតថា រឿងការប៉ះពាល់ទៅលើប្រជាពលរដ្ឋនោះ គឺពុំមាននោះទេ ដោយឡែកលោកងោម៉េងជ្រួន អភិបាលក្រុងប៉ោយប៉ែត ក៏បានលើកឡើងដែរថា ខាងអាជ្ញាធរពុំទាន់ចេញលិខិតស្នាមណាមួយទៅអោយច្បាប់ជូនលោក ឧកញ៉ាហង្ស ស៊ីផា នោះឡើយ ៕
មតិយោបល់