Alibaba Group ដែលជាក្រុមហ៊ុននាំមុខគេខាងអាជីវកម្ម e-commerce នៅក្នុងប្រទេសចិន នៅថ្ងៃចន្ទនេះ បានប្រកាសឲ្យដឹងថាផ្លូវការថា ខ្លួនបានយល់ព្រមទិញភាគហ៊ុនអតីតភាពក្នុងក្រុមហ៊ុនផលិតស្មាតហ្វូន Meizu របស់ចិន ក្នុងតម្លៃ ៥៩០ លានដុល្លារអាមេរិក។
យោងតាមការចុះផ្សាយរបស់ទស្សនាវដ្ដីដ៏ល្បីរបស់អាមេរិក Forbes បានឲ្យដឹងថា ក្រុមហ៊ុន Alibaba ចង់ឈានជើងចូលទីផ្សារស្មាតហ្វូនប្រទេចិន ហើយក៏ចង់ជ្រៀតខ្លួនចូលទីផ្សារស្មាតហ្វូនអន្តរជាតិផងដែរ។ ការទិញភាគហ៊ុននេះត្រូវបានគេមើលឃើញថា ក្រុមហ៊ុនទាំងពីរនឹងសហការគ្នាទៅលើផ្នែក Hardware និងផ្នែកប្រព័ន្ធប្រតិបត្តិការ ដោយ Alibaba នឹងបញ្ចូលសេវាកម្មមួយចំនួនចូលទៅក្នុងស្មាតហ្វូនរបស់ Meizu។
គួរបញ្ជាក់ផងដែរថា កាលពីខែមករា ឆ្នាំ ២០១៥ កន្លងទៅនេះ ក្រុមហ៊ុន Meizu លក់ស្មាតហ្វូនបាន ១,៥លានគ្រឿងតែក្នុងខែមករា មួយគត់ នេះបើយោងតាមការប្រកាសឲ្យដឹងពីលោក Jack Wong នាយកប្រតិបត្តិ៕
ព័ត៌មានជាតិ
មតិយោបល់