ភ្នំពេញ: ការដ្ឋានស្ថាបនាពង្រីកកំណាត់ផ្លូវជាតិលេខ៤ ដែលអាចធ្វើចរាចរបាន៥ខែ្សទៅមក ចាប់ពីរង្វង់មូលចោមចៅដល់ផ្លូវកប់ស្រូវ មកដល់ពេលនេះសម្រេចបាន៣៥ភាគរយនៃគម្រោងហើយ ក្នុងនោះរួមមានទាំងការដាក់លូប្រអប់និងប្រឡាយចំហសងខាង តម្លើងបង្គោលភ្លើងព្រែកជា២ និងសាងសង់ស្ពានអាកាសថ្មើរជើងចំនួន២កន្លែងផងដែរ។
មន្ត្រីរដ្ឋបាលរាជធានីភ្នំពេញបានឲ្យដឹងថា ក្នុងផែនការរៀបចំលំហូរចរាចរលើដងផ្លូវជាតិលេខ៤ឲ្យបានល្អប្រសើរ រដ្ឋបាលរាជធានីភ្នំពេញ បាននិងកំពុងស្ថាបនាពង្រីកផ្លូវជាតិលេខ៤ ចាប់ពីរង្វង់មូលចោមចៅដល់ផ្លូវកប់ស្រូវ ដោយបង្កើតផ្លូវអាទិភាព៣ខែ្សទៅ ៣ខ្សែមកផ្លូវសងខាងចំនួន២ខ្សែទៅ២ខ្សែមកដាក់លូប្រអប់និងប្រឡាយចំហសងខាង តម្លើងបង្គោលភ្លើងព្រែកជា២ និងសាងសង់ស្ពានអាកាសថ្មើរជើងចំនួន ២កន្លែង។
មន្ត្រីដដែរ បានបញ្ជាក់ទៀតថា គិតត្រឹមថ្ងៃទី២៦ខែកញាឆ្នាំ២០១៦ ការដ្ឋានសម្រេចបានលទ្ឋផល ៣៥ភាគរយនៃគម្រោងហើយ ៕
មតិយោបល់