ក្រុមហ៊ុនផលិតរថយន្ត Honda Motor Co បានប្រកាសឲ្យដឹងនៅថ្ងៃចន្ទទី២៣ ខែកុម្ភៈ ឆ្នាំ ២០១៥ នេះថា នាយកប្រតិបត្តិ លោក Takanobu Ito បានសម្រេចចិត្តលាឈប់ពីមុខតំណែងនៅក្នុងខែមិថុនា ខាងមុខ បន្ទប់ពីលោក​បានឡើងកាន់​តំណែង​មួយនេះអស់រយៈពេល ៦ឆ្នាំ។

យោងតាមការចុះផ្សាយរបស់ Channel News Asia ចេញផ្សាយនៅរសៀលថ្ងៃចន្ទនេះថា លោក Ito បានសម្រេចចិត្តលាឈប់ ប៉ុន្តែមិនបាន​បញ្ជាក់ពីមូលហេតុនោះទេ។ ក្រុមហ៊ុនផលិតរថយន្តលំដាប់លេខ៣ មួយនេះ បានថ្លែងឲ្យ​ដឹងថា តំណែង​នាយកប្រតិបត្តិ​នឹងត្រូវជំនួសដោយលោក Takahiro Hachigo វ័យ ៥៥ឆ្នាំ ជាប្រធានគ្រប់គ្រង។

លោក Takanobu Ito វ័យ ៦១ឆ្នាំ បានឡើងកាន់តំណែងជានាយកប្រតិបត្តិ Honda តាំងពីឆ្នាំ ២០០៩ ដោយលោក​មាន​បទ​ពិសោធន៍ជាច្រើននៅក្នុងវិស័យឧស្សាហកម្មរថយន្ត ប៉ុន្តែការលក់ឈប់នេះ អាចមកពីបញ្ហាអាយុ និង​បង្ហាញហិរញ្ញវត្ថុ៕