ស្ទឹងត្រែង៖រថយន្តដឹកជ្រូករបស់ក្រុមហ៊ុនCPបើកបុកអ្នកជិះម៉ូតូឌុបគ្នាចេញពីផ្ទះឡើងលើផ្លូវជាតិបណ្តាលអោយបុរសម្នាក់បានស្លាប់ភ្លាមៗ នៅនឹងកន្លែងកើតហេតុ ឯម្នាក់ទៀតបានរងរបួសជាទម្ងន់ ត្រូវបានដឹកយកមកសង្គ្រោះបន្ទាន់នៅមន្ទីរពេទ្យបង្អែកខេត្ត។ចំណែកតៃកុងរថយន្ត បានព្យាយាមបើករថយន្តគេច ចេញ ពីទីកើតហេតុ តែត្រូវបានសមត្ថកិច្ចតាមស្ទាក់ចាប់បាន ។
ហេតុការគ្រោះថ្នាក់បង្កឲ្យមនុស្សបាត់បង់ជីវិតនោះ បានកើតឡើងនៅវេលាម៉ោង៧ និង៣០នាទីព្រឹក ថ្ងៃទី២៧កុម្ភះនេះ នៅលើកំណាត់ផ្លូវជាតិលេខ៩ ស្ថិតក្នុងភូមិត្នោតថ្មី ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ។
នាយប៉ុស្តិ៍នគរបាលរដ្ឋបាលឃុំសំអាង លោកអនុសេនីយ៏ឯកគង់ សេនា បានឲ្យដឹងថា ជនរង គ្រោះ ទាំ ងពីរនាក់ ម្នាក់ឈ្មោះពុធ ឃាង អាយុ៣៤ឆ្នាំ បានស្លាប់នៅនឹងកន្លែងកើតហេតុ និងម្នាក់ទៀតឈ្មោះហេង ជីម អាយុ៤០ឆ្នាំ រងរបួសធ្ងន់ អ្នកទាំងពីររស់នៅភូមិម៉ឺនរាជ ឃុំខ្យង ស្រុកជ័យសែន ខេត្តព្រះវិហារ ជិះម៉ូតូ ប្រភេ ទ វ៉េវអាល់ហ្វា គ្មានស្លាកលេខ ក្នុងទិសដៅពីជើងទៅត្បូង (ចេញពីផ្ទះឡើងលើផ្លូវជាតិ) ។ចំណែកតៃកុងរ ថ យ ន្ត បង្ក ឈ្មោះពុំ ប៊ុនឈា ភេទប្រុស អាយុ៤២ឆ្នាំ រស់នៅខេត្តកំពង់ធំ បើកបរថយន្តប្រភេទ HYUNDAIពណ៌ស ពាក់ ស្លាកលេខភ្នំពេញ3C.6476ដឹកជ្រូក១២០ក្បាល បើកបរក្នុងទិសដៅពីពីលិចទៅកើត ។
លោកគង់ សេនា បានបន្តទៀតថា សាក្សីអ្នកឃើញហេតុការនោះ បាននិយាយថា នៅមុនពេលកើត ហេ តុ គេបានឃើញបុរសរងគ្រោះទាំងពីរនាក់ បានជិះម៉ូតូឌុបគ្នាចេញពីផ្ទះ ឡើងលើផ្លូវជាតិ ពេលឡើងផុតពីមុខ ផ្ទះឡើងផ្លូវជាតិ ក៏ស្រាប់តែរថយន្តដឹកជ្រូក របស់ក្រុមហ៊ុនCP បើកមកដល់ល្មម ហើយបានមកបុក អ្នកជិះម៉ូតូពេញទំហ៊ឹង បណ្តាលឲ្យម៉ូតូ និងជនរងគ្រោះ គាបជាប់នឹងរថយន្តផ្នែកខាងមុខ រថយន្តបានបន្ថែមល្បឿនចេញពីទីកើតហេតុ ប្រមាណជា១ពាន់ម៉ែត្រ ក្នុងបំណងបើករត់គេច តែត្រូវកម្លាំងនគរបាលប៉ុស្តិ៍រដ្ឋបាលឃុំសំអាង សហការជាមួយកម្លាំងស្នាក់ការអាវុធហត្ថ ស្ទាក់ចាប់បាន ។
លោកថា ពេលឃាត់រថយន្តនោះបាន អ្នកនៅលើរថយន្តនោះ បានឆ្លើយថា ខ្លួនគេមិនមែនជាតៃកុងរ ថយន្តនេះទេ រូបគេគឺជាព្រូរថយន្ត ចំណែកតៃកុងបានរត់គេចខ្លួនបាត់ទៅហើយ លោកថា តាមពិតព្រូនេះហើយគឺជាតៃកុង ។
លោកនាយប៉ុស្តិ៍បានបញ្ជាក់ថា ក្រោយពេលកើតហេតុ សាកសពត្រូវបានបញ្ជូនទៅឲ្យក្រុមគ្រួសារ នៅស្រុកជ័យសែន ខេត្តព្រះវិហារ ជនរងគ្រោះបានបញ្ជូនទៅជួយសង្គ្រោះបន្ទាន់ នៅក្នុងមន្ទីរ ពេទ្យបង្អែកខេត្ត ស្ទឹងត្រែង។ ចំណែកម៉ូតូជនរងគ្រោះ និងរថយន្តដឹកជ្រូក១២០ក្បាល របស់ក្រុមហ៊ុន CP ត្រូវបានកម្លាំងនគរបា លជំនាញខេត្ត នាំយកទៅកាន់ស្នងការនគរបាលខេត្តស្ទឹងត្រែង រង់ចាំដោះស្រាយគ្នាជាក្រោយ ៕
មតិយោបល់