កំពង់ធំ: លោក អ៊ិត សុធា ព្រះរាជអាជ្ញាអមសាលាដំបូង ខេត្តកំពង់ធំ ចុះបញ្ជាផ្ទាល់ឃាត់ខ្លួនលោកអនុសេនីយ៍ទោ មា្នក់នៅបំរើការនៅអគ្គនាយកដ្ឋានអន្តរាគមន៍ បានកំពុងតែធ្វើសកម្មភាព ជួញដូរគ្រឿងញៀន ត្រូវបានលោក វរ:សេនីយ៍ឯក កែ ខាន់ណារ៉ា ស្នងការងនៃស្នងការនគរបាលខេត្តកំពង់ធំ បានដឹកនាំកម្លាំង ចុះបង្ក្រាបការជួញដូរគ្រឿងញៀន នៅចំណុច ភូមិព្រៃបល្លិច សង្កាត់ អាចារ្យលាក់ ជាប់ ktv សុវណ្ណ វេលាម៉ោង ១២,៣៥នាទីយប់ ថ្ងៃទី ២៨ ខែ កុម្ភះ ឆ្នាំ២០១៥ ។
លោកអនុសេនីយ៍ទោ លឹម ដារ៉ារ័ត្ឋ មានអាយុត្រឹមតែ៣៣ឆ្នាំ ត្រូវបានធ្លាក់ខ្លួន ក្លាយជាអ្នកទោស ដោយសារតែដៃម្ខាងកាន់ច្បាប់ ដៃម្ខាងកាន់គ្រឿងញៀន ជួញដូរនៅភ្នំពេញមិនអស់ចិត្ត បែរជាមកធ្វើជាមេធំ ចែកចាយគ្រឿងញៀនក្នុងខេត្តកំពង់ធំ ត្រូវបានឃាត់ខ្លួន ទីលំនៅបច្ចុប្បន្នរស់នៅផ្ទះលេខ ២០៧ សង្កាត់អូស្សី២ ខ័ណ៧មរារាជធានីភ្នំពេញ មេគ្រឿងញៀន លឹម ដារ៉ារ័ត្ន មានតួរនាទីជា នាយរងផែនការ នៃអគ្គនាយកដ្ឋាន នៃអគ្គស្នងការនគរបាលជាតិ។
ដោយឡែក នៅថ្ងៃទី ១ ខែ មិនា ឆ្នាំ ២០១៥ បុរសម្នាក់ត្រូវបានឃាត់ខ្លួន ដោយសារបានធ្លាក់ចូលក្នុងរណ្តៅ គ្រឿងញៀន ខណ:ពេលដែលកំពុងតែធ្វើសកម្មភាព ប្រើប្រាស់ត្រូវបាន កម្លាំងសមត្ថកិច្ចឃាត់ខ្លួនយកមក កាន់អធិការស្រុកបារាយណ៍ ដើម្បីធ្វើកំណត់ហេតុបញ្ជូនមកស្នងការនគរបាល ខេត្តកំពង់ធំ។
ជនសង្ស័យត្រូវបានស្គាល់ឈ្មោះ អ៊ីងសុ ផល ភេទប្រុស អាយុ ៣៥ឆ្នាំ បច្ចុប្បន្ឋ រស់នៅភូមិ ការតាល ឃុំសូយោង ស្រុកបារាយណ៏ ខេត្តកំពង់ធំ មុខរបរបើកត្រាក់ទ័រ ឃាត់ខ្លួនពីបទករណីប្រើប្រាស់គ្រឿងញៀនខុសច្បាប់ ត្រូវបានសមត្ថកិច្ចឃាត់ខ្លួននៅសំណាក់ ចម្រើនលាភ បន្ទប់២៧ នៅវេលាម៉ោង ១២,១៥នាទីយប់ភូមិ កំពង់ជំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ។ វត្ថុតាង មានថ្នាំញៀន ម៉ាទឹកកក ២កញ្ចប់តូច និងឧបករណ៏ប្រើប្រាស់ ។
មតិយោបល់