បន្ទាយមានជ័យៈ ម៉ូតូ១គ្រឿងត្រូវបានរថយន្តសណ្តោងបុក បណ្តាលឲ្យរងរបួសមនុស្ស៥នាក់។

ហេតុការណ៍នេះបានកើតឡើងកាលពីវេលាម៉ោង៧នឹង៣០នាទីព្រឹកថ្ងៃទី៨ ខែកញ្ញា ឆ្នាំ២០១៧ នៅចំណុចរង្វង់មូលរូបអវតាលោកិស្វារៈ មុខទីបញ្ចាការងកងរាជអាវុធហត្ថ ខេត្តបន្ទាយមានជ័យ។

តាមប្រភពព័ត៌មានពីអ្នកឃើញហេតុការណ៍បាននិយាយថា គេបានឃើញម៉ូតូ១គ្រឿងជិះឌុបគ្នាចំនួន៥នាក់ មានទាំងកូនតូច៣នាក់ផងដែរ បានជិះពីកើតទៅលិច លុះមកដល់ចំណុចរង្វង់មូល ក៏ត្រូវរថយន្តដែលបើកបញ្រ្ចាសទិសគ្នា បានបុកត្រូវចំកាងខាងស្តាំបណ្តាលឲ្យដួលធ្លាក់មនុស្សរាយប៉ាយនៅលើផ្លូវ បង្កឲ្យមានអ្នករងរបួសធ្ងន់ធ្ងរចំនួន២នាក់។

ក្រោយពេលកើតហេតុកម្លាំងអាវុធហត្ថ រួមសហការជាមួយកម្លាំងនគរបាលខេត្តបានជួយអន្តរាគមន៍ភ្លាមៗ បានឃាត់រថយន្តបង្កនិងអ្នកបើកបរភ្លាមៗ រួចក៏ដឹកបញ្ចូនជនរងគ្រោះទៅសង្គ្រោះបន្ទាន់នៅមន្ទីរពេទ្យបង្អែក៕