ក្រចេះ ៖ ប្រធានក្លិបសិល្ប: អ៊ឹម ជីវ៉ា ដែលជាតារាសម្តែងល្បីឈ្មោះគួរសមលើវិថិសិល្ប: តែល្បីខ្លាំងប៉ុន្មានខែចុងក្រោយមកនេះ រឿង មនុស្សធម៌ និង សប្បុរសធម៌ ជួយដល់សិល្ប:ករ ជើងចាស់ ដែលបាត់បង់សមត្ថភាព និង ទុរគតជន ។
ក្នុងឆ្នាំ ២០១៥ នេះ អ៊ឹម ជីវ៉ា បានប្រើប្រាស់ទាំងកម្លាំង ស្មារតី ដោយស្វែងរកជំនួយ បូករួមនិង ថវិការផ្ទាល់ខ្លួន ជួយដល់សិល្ប:ករ ជើងចាស់ ខ្វះខាតក្នុងជីវភាព ដោយមិនរើសអើង អ្វីឡើយ។
ជាក់ស្តែង កាលពីថ្ងៃទី ១៣ ខែកុម្ភ: ឆ្នាំ ២០១៥ នេះ តារាសម្តែង អ៊ឹម ជីវ៉ា បានបង្កើតកម្មវិធីមួយ គួរឲ្យចាប់អារម្មណ៍ ក្រោមប្រធានបទ “ញ៉ាំបាយសាមគ្គីរួមគ្នា” ធ្វើឡើងនៅភោជនីយដ្ឋាន អូប៉េរ៉ា ដើម្បីជួយដល់តារាចម្រៀង អ៊ំ គន្ធា ដែលកើតជំងឺអេដស៍ និងទីទ័លក្នុងជីវភាព ប្រចាំថ្ងៃ ដោយមានការចូលរួម ពី ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន ។មុននេះដែរ អ៊ឹម ជីវ៉ា ក៏ទទួលបានការលើកទឹកចិត្ត និងជំរុញ ដូចគ្នា ពីឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន ដោយនាំយកថវិការ និងគ្រឿងបរិភាគមួយចំនួន ជួយសម្រួលការខ្វះខាត តារាចម្រៀងអាយ៉ៃ ជើងចាស់ ផ្លុង មឿក តារាចម្រៀង លោក នូ ស៊ិប និង តារាចម្រៀងចាប៉ីដងវែងដ៏ល្បីល្បាញ លោក ប្រាជ្ញ ឈួន ។
ក្រៅពីនេះ អ៊ឹម ជីវ៉ា ក៏បានបង្ហាញខ្លួន ក្នុងកម្មវិធី សម្បុរធម៌ ដែលធ្វើឡើងដោយ អង្គការសិល្ប:អមត: ក្នុងន័យ ស្វែងរកថវិការ ជួយដល់ លោកព្រឹទ្ធាចារ្យ ពេជ្រ ទុំក្រវិល ដែលកំពុងដេកឈឺធ្ងន់នៅមន្ទីរពេទ្យ កាលម៉ែត្រ ។ ថវិកា ដែលបានមកពី កម្មវីធីខាងលើនេះ ក៏ចែករំលែក ទៅតារាចម្រៀង ជើងចាស់ខាងលើ និង ព្រឹទ្ធាចារ្យ ប៉ុន្មានដួងទៀតផ្សេងទៀត ដែលបាត់បង់សមត្ថភាព ។
ក្នុងសកម្មភាពដូចគ្នា ពោលគឺឲ្យតែមានកម្មវិធីសប្បុរសធម៌ អ៊ឹម ជីវ៉ា មិនដែលខានឡើយ ទោះមមារញឹកការងារសិល្ប:យ៉ាងណា ក៏ឆ្លាត ទៅចូលរួមដែរ ។ កាលពីថ្ងៃទី ៦ ខែ មីនា ឆ្នាំ ២០១៥ អ៊ឹម ជីវ៉ា បានចូលរួមសម្ពោធអាហារដ្ឋាន “ខ្មែរ Donate” ដែលជាអាហារដ្ឋានមួយ បើកឡើង ក្នុងន័យជួយដល់មន្ទីរពេទ្យ គន្ធរបុប្ជា ដែលកំពុងជូបភាពលំបាក ។ អ៊ឹម ជីវ៉ា បានប្រាប់តាមទូរស័ព្ទ ថា កម្មវិធីនេះ មិនមែន ជាកម្មវីធីរបស់ខ្លួនទេ តែអ្វីដែលខ្ញុំមិនអាចហាមមិនឲ្យខ្លួនចូលរួមបាន ដោយសារតែ អាហារដ្ឋាននេះ ស្ថិតក្នុងគោលការណ៍ខ្លួន ដោយកម្រៃដែលលក់បាន កាត់ភាគរយខ្លះទៅឲ្យ មន្ទីរពេទ្យ ខាងលើ ។អ៊ឹម ជីវ៉ា ក៏បានបន្តថា ខ្ញុំនឹងបន្តការចូលរួមកម្មវិធីច្រើនទៀត ឲ្យតែមានពាក្យថាសប្បរសធម៌ជួយដល់ សង្គម និងសិល្ប: និងបន្តបង្កើតកម្មវីធីសប្បុរសធម៌ ជួយដល់ជនខ្វះខាត ។
បើអូសបន្លាយដល់ចុងឆ្នាំ ២០១៥ សកម្មភាពទាំងនេះ វានឹងគរជើង ដែលសមល្មមនឹង តារាសម្តែងរូបនេះ គួរតែទទួលបានពានរង្វាន់ ផ្នែកសម្បុរសធម៌ និងមនុស្សធម៌ ក្នុងសង្គមសិល្ប: ។ នេះបើតាមសម្តី អ្នកមហាជន បានវិភាគលើចំណុចនេះ ។
ទាក់ទិនរឿងនេះដែរ អ៊ឹម ជីវ៉ា បានថ្លែងឲ្យដឹងថា “ធាតុពិត អ្វីដែលខ្លួន ធ្វើសព្វថ្ងៃនេះ មិនសម្តីទៅលើ ការចង់បានពានអ្វីនោះទេ តែចង់ឲ្យអ្នកសិល្ប:ចេះជួយអ្នកសិល្ប: និងទុរគតជនផ្សេងទៀត ដែលខ្វះខាត ។ អ្វីដែលខ្លួនធ្វើវាគ្រាន់តែជាសណ្តានចិត្តផុសចេញពីក្រអៅបេះដូងតែប៉ុណ្ណោះ មិនចង់បានអ្វីឡើយ តែក៏អរគុណដែរ សម្រាប់ការលើកតំកើងនេះ និងស្រលាញ់ចូលចិត្ត ពីអ្នកគាំទ្រ និង មហាជន នានា”៕
មតិយោបល់