ភ្នំពេញ៖ អនុប្រធានការិយាល័យភូមិបាលសុរិយោដីក្រុងទទួលបន្ទុកកិច្ទការសំណង់លោក លួនអាន សំរេច បានប្រតិកម្មខ្លាំងៗទៅលើ ជនដែលមូលបង្កាច់កេរ្តិ៍ឈ្មោះរបស់លោក ដើរនិយាយតែផ្តេសតែផ្តាស់ ដោយគ្មានមូលដ្ឋានត្រឹមត្រូវទាល់តែសោះឡើយ ដោយចោទលោកថា ទារប្រាក់រាប់ម៉ឺនដុល្លារ លើច្បាប់សាងសង់អគារ ។ ក្រោយព័ត៌មានក្នុងស្រុកជាច្រើន បានចុះផ្សាយ គ្មានប្រភពត្រឹមត្រូវ ដោយដកស្រង់សម្តី ពីជនខិលខូច ដែលកាច់កុងលោក ក្នុងរបររកស៊ីរបស់គ្រួសារលោក កន្លងមក លោក លួនអាន សំរេច បានមាន ប្រសាសន៍តាមទូរស័ព្ទ ប្រាប់សារព័ត៌មាន ដំណឹងថា ៖វាមិនអាចកើតរឿងនោះបានឡើយ តើលោកទៅមានលទ្ធភាពឯណា ដើរកូររកលុយទូទាំងខេត្ត លើច្បាប់រត់ការសាងសង់ រាប់ម៉ឺនដុល្លារនោះ ដោយលោកមានតំណែងជា អនុប្រធានការិយាល័យភូមិបាលសុរិយោដីក្រុងទទួលបន្ទុកកិច្ទការសំណង់ ។លោកបានមានប្រសាសន៍បន្តថា ដោយសារតែលោក មានរូបវ័ន្តបុគ្គល ចេញច្បាប់ដោយក្រសួង ទើបឆ្លៀតឱកាសពេលទំនេរ នៅពេលយប់ ថ្ងៃសៅរ៍ និង អាទិត្យ អាចសិក្សារនិងគូរប្លង់បាន មិនមែនជាម៉ោងធ្វើការរបស់រដ្ឋ ។ លោកបន្ថែមទៀតថា រឿង ដែលថាលោក យកពីគេ ៧៥០០ ដុល្លារ ពីភោជនីយដ្ឋាន ម្លិះ លើច្បាប់សាងសង់វាមិនមែនជាការពិតនោះទេ អ្វីដែលគេបំប៉ោងព័ត៌មាននេះ ចង់កាច់កុងមុខតំណែងរបស់លោក តែប៉ុណ្ណោះ ខណៈដែលឃើញ បងប្អូនរបស់លោក សុទ្ធតែជាអ្នករកស៊ីមានមុខមាត់ក្នុងទឹកដីសៀមរាប ក៏មូលបង្កាច់គ្មានមូលដ្ឋានត្រឹមត្រូវ ទាល់តែសោះឡើយ ។ដើម្បីស្រាយបំភ្លឺរឿងនេះ ខាងភោជនីយដ្ឋាន ម្លិះបានចេញលិខិតមួយ បញ្ជាក់ថា ខាងភោជនីយដ្ឋាន បានបង់អោយលោកនៅសេវាកម្មសិក្សារនិងគូរប្លង់ ចំនួន ១០០០ ដុល្លារ រីឯរឿងរត់ការសាងសង់ គឺជារឿង របស់ភោជនីយដ្ឋាន ដោយបង់ទៅតាមអ្វីដែល ខាងច្បាប់រដ្ឋ បានកំណត់មកតែប៉ុណ្ណោះ ។ ទន្ទឹមជាមួយនឹងគ្នានេះដែរ លោក លួនអាន ចំណេះ ដែលត្រូវជា ប្អូនរបស់លោក លួនអាន សំរេច បានមានប្រសាសន៍ផងដែរថា អ្វីដែលចោទខាងលើ វាគ្រាន់តែជារឿងយល់ច្រឡំ តែប៉ុណ្ណោះ ខណៈពីក្រោយខ្នងបងរបស់លោក រួមទាំងលោកផងដែរនោះ សុទ្ធតែជាអ្នកមានទ្រព្យស្រាប់ និងអ្នករកស៊ីដុំកំភួន ទើបមានការឈ្នានីសយ៉ាងនេះ ” ។ លោកបានមានប្រសាសន៍បន្តថា ខាងភោជនីយដ្ឋាន ម្លិះ ដែលបានអោយលោក សិក្សារនិងគូរប្លង់ ដើម្បីរត់ការសាងសង់លើទឹកដីសៀមរាប បានចេញលិខិតបញ្ជាក់មួយច្បាប់ លើបញ្ហានេះ ដើម្បីស្រាយបញ្ជាក់ថា លោក លួនអាន សំរេច (បងខ្លួន) មិនបានពាក់ព័ទ្ធរឿងទារលុយ រាប់ម៉ឺនដុល្លារសាងសង់នោះទេ តែបើនៅមិនជឿទៀត អាចទៅសួរខាងភោជនីយដ្ឋានម្លិះបាន ។ លោកបានសង្កត់ធ្ងន់ថា គ្មានរណាទៅហាន បំពានច្បាប់របស់រដ្ឋនោះទេ បើធ្វើដូច្នោះមែន ដូចអា ក ខ្លួនឯង៕
ខាងក្រោមនេះគឺជាវិក័យប័ត្រ និងលិខិតបញ្ជាក់ពីភោជនីយដ្ឋានម្លិះ៖
មតិយោបល់