តាកែវៈ នៅវេលាម៉ោង ២និង០៥នាទីព្រឹក ថ្ងៃសុក្រ ២ រោច ខែភទ្របទ ឆ្នាំជូត ទោស័ក ពស ២៥៦៤ ត្រូវនឹងថ្ងៃទី៤ ខែកញ្ញា ឆ្នាំ២០២០ មានករណីឆេះរថយន្តកូរ៉េ៥តោនម៉ាកហ៊ីហាន់ដាយ ពណ៌ស ពាក់ផ្លាកលេខតាកែវ 3A-0861 (ជារថយន្តដឹកទឹកកក) ករណីកើតហេតុនៅក្នុងភូមិផ្សារ ឃុំភ្នំដិន ស្រុកគិរីវង់ ខេត្តតាកែវ ។

+ម្ចាស់រថយន្តឈ្មោះ ចាន់ សុខា ភេទប្រុស អាយុ ៤៥ឆ្នាំ រស់ស្ថិតនៅក្នុងភូមិផ្សារ ឃុំភ្នំដិន ស្រុកគិរីវង់ ខេត្ត តាកែវ ។
– អ្នកបើកបរឈ្មោះ ជុំ ធឿន ភេទ ប្រុស អាយុ ៣៧ ឆ្នាំ រស់នៅភូមិកណ្ដាល ឃុំភ្នំដិន ស្រុកគិរីវង់ ខេត្តតាកែវ ។
– ក្រោយពីទទួលបានដំណឹងពីប្រជាពលរដ្ឋពី ករណីឆេះក្រុមជំនាញអគ្គិភ័យស្រុកគិរីវង់ បានចុះទៅជួយទាន់ពេលដោយមិនបង្កឲ្យគ្រោះថ្នាក់ និងឆេះរាលដល់ផ្ទះប្រជាពលរដ្ឋឡើយ ដែលបានប្រើប្រាស់ទឹកអស់ចំនួនមួយឡាន និងបំពង់ពន្លត់អគ្គិភ័យចំនួន ២បំពង់របស់ប្រជាពលរដ្ឋ ។

មូលហេតុ៖ ដែលបង្កឲ្យរថយន្តឆេះ គឺបណ្ដាលមកពីឆ្លងចរន្តអាគុយពីក្នុងតាបឡូរថយន្ត ៕