កំពង់ឆ្នាំង៖ ប្រជាពលរដ្ឋក្នុងខេត្តកំពង់ឆ្នាំងថ្មីៗនេះបានរិះគន់ថា៖ ក្រុមហ៊ុន លោក នួន សារ៉ុម ដឹកខ្សាច់ បានប្រើរថយន្តធំៗមានទម្ងន់រាប់សិបតោន ដឹកខ្សាច់តាមទំនើងចិត្ត អាចធ្វើអោយខូចផ្លូវកៅស៊ូក្នុងខេត្ត ដោយគ្មានសមត្ថកិច្ចណាមួយធ្វើការត្រួតពិនិត្យ រថយន្តទាំងនោះឡើយ។ចំ ណែកទីតាំងស្តុកខ្សាច់របស់ក្រុមហ៊ុននោះគឺស្តុបដាក់លក់នៅក្នុងភូមិម៉ុងបារាំង សង្កាត់ប្អេរ ក្រុង កំពង់ឆ្នាំងតែម្តង។ប្រជាពលរដ្ឋបាននិយាយអោយដឹងនៅព្រឹកថ្ងៃទី១៤ ខែមិនា ឆ្នាំ២០១៥នេះថា៖ នៅចំណុ ចទីតាំងស្តុកខ្សាច់ខាងលើនេះ គេឃើញមានរថយន្តធំៗដែលមានទ្រុងវែងៗអាចមានពី៦០ទៅ ៧០តោន ចូលមកដឹកខ្សាច់ទាំងនោះចេញយកទៅលក់ជារៀងរាល់ថ្ងៃយប់ ដោយមិនឃើញ មានមន្ត្រីជំនាញនៃមន្ទីរសាធារណៈការ និងដឹកជញ្ជូនខេត្តឬសមត្ថកិច្ចណាមកត្រួតពិនិត្យទម្ងន់ រថយន្តទាំងនោះឡើយ គឺបណ្តែតបណ្តោយគេដឹកជញ្ជូន លើសទម្ងន់ដែលអាចបណ្តាលអោយ ផ្លូវកៅស៊ូនៅក្នុងខេត្តបាក់ស្រុតបាន បើគ្មានវិធាន ការទប់ស្កាត់ទេនោះ។ គួរំលឹកថា៖ក្នុងឆ្នាំ២០១៤កន្លងទៅ មានក្រុមហ៊ុនមួយបានដឹកជញ្ជូនខ្សាច់ពីឃុំជៀប ស្រុក ទឹកផុសឆ្លងកាត់ខេត្តដោយគេបានប្រើរថយន្តបែនដឹកលើសទម្ងន់ដូចនេះ បណ្តាលអោយខូច ផ្លូវជាតិលេខ៥៣ជាច្រើនកន្លែង នីងកន្លែងដែលរងការខូចខាតទាំងនោះត្រូវបានមន្ទីរសាធា រណៈការខេត្តធ្វើការជួសជុលអស់លុយរដ្ឋទៅវិញុ។ក្នុងឆ្នាំ២០១៣កន្លងមកក្រុមអធិការកិច្ចក្រសួងសាធារណៈការក៏ធ្លាប់ចាប់ផាកពិន័យរថយន្តធំបែបនេះដឹកថ្មលើសទម្ងន់នៅចំណុចភ្នំដើមផ្កា រួចម្តងមកហើយដែរ។ ក្នុងរឿងដូចគ្នានេះដែរនៅឆ្នាំ២០១៣ ផ្លូវកៅស៊ូមួយខ្សែប្រមាណ២គីឡូម៉ែត្រ ចេញពីមុខ វត្តសន្ទូចកាត់មកចេញមកលើផ្ទះលោក ម៉ែន ធឿន សមាជិកក្រុមប្រឹក្សាខេត្ត ក៏ត្រូវបានក្រុម ហ៊ុនដឹកថ្មមួយមានខ្នងអ្នកធំនៅក្នុងទីក្រុងភ្នំពេញប្រើប្រាស់រថយន្តធំដូចគ្នានេះ ដឹកថ្មលើស តោនបំផ្លាញផ្លូវមួយខ្សែនេះខូចខ្ទេចខ្ទី មកដល់ពេលនេះក្រុមហ៊ុននោះបានតែសន្យា តែមិនបាន ជួសជុលផ្លូវនោះសងខេត្ត្តវិញឡើយ។ ទាក់ទងនឹងបញ្ហាការរិះគន់ខាងលើនេះ លោក កែវ ពៅ ប្រធានមន្ទីរសាធារណៈការ និង ដឹកជញ្ជូនខេត្តកំពង់ឆ្នាំងបានអោយដឹងនៅព្រឹកថ្ងៃទី១៤ ខែមិនា ឆ្នាំ២០១៥នេះថា៖ ករណីដឹក ជញ្ជូនខ្សាច់របស់ក្រុមហ៊ុន នួន សារ៉ុម ដែលបានប្រើរថយន្តមានកន្ទុយវែងៗនោះ លោកត្រូវ តែបញ្ជូនមន្ត្រីជំនាញមកត្រួតពិនិត្យ និងធ្វើការថ្លឹងទម្ងន់។ប្រសិនបើរកឃើញថាក្រុមហ៊ុននេះ ដឹកលើសទម្ងន់លើផ្លូវក្នុងខេត្តដែលច្បាប់បានកំណត់ លោកនឹងធ្វើការផាកពិន័យនិងផ្អាកអាជី កម្មនេះបើគេមិនគោរពទៅតាមច្បាប់ស្តីពីផ្លូវថ្នល់នោះទេ ហើយលោកក៍មិនអនុញាតិអោយគេ យកផ្លូវសាធារណៈក្នុងខេត្តមកប្រើប្រាស់បំផ្លាញតាមទំនើងចិត្តគេដែរ លោកអរគុណណាស់ ចំពោះអ្នកសារព័ត៌មានដែលបានរាយការណ៍ រឿងនេះអោយលោកបានដឹង៕
ព័ត៌មានជាតិ
មតិយោបល់