ឥណ្ឌា៖បន្ទាប់ពីរូបភាពក្មេង ៣នាក់ អង្គុយឱបគ្នា នៅជ្រុងម្ខាងនៃស្ថានីយ៍រថភ្លើង បង្ហោះទៅកាន់ អ៊ីនធឺណេត ធ្វើឲ្យមនុស្សជាច្រើនចាប់អារម្មណ៍ ស្វែងរកក្មេងទាំងនេះ និង ក្រុមគ្រួសារ ។
ហេតុការណ៍មួយនេះដែរ វាបានកើតឡើងនៅក្នុងទីក្រុងញ៉ូវដេលី ប្រទេសឥណ្ឌា ដោយបានប្រទះឃើញក្មេងស្រី ៣ នាក់ឱបគ្នា ដោយអ្នកដំណើរម្នាក់ នៅជ្រុងម្ខាងនៃ រថភ្លើង ហើយពេលនោះ អ្នកដំណើរនោះ បានថតរូប និងបង្ហោះទៅកាន់ធ្វីតទ័រ របស់ខ្លួន ដើម្បីស្វែងរកជំនួយ ជួយដល់ ក្មេងស្រី ៣ នាក់ដ៏គួរឲ្យអាសូរនេះ ។
រូបថតនេះដែរ បានធ្វើឲ្យអ្នកនៅទីក្រុងញ៉ូវដេលី ចាប់អារម្មណ៍យ៉ាងខ្លាំង ។
បន្ទាប់ពីលោក Abhishek Shukla បានបង្ហោះរូបភាពនេះរួចហើយ បានធ្វើឲ្យអ្នករស់នៅទីក្រុង មួយនេះ និងប៉ូលីស បានស្វែងរក តែរកមិនឃើញ ។ ប៉ូលីសបានស្វែងរកជាង ៣ ម៉ោង ទើបរកឃើញ ក្មេងទាំង ៣ នេះនៅស្ថានីយ៍ផ្សេងទៀត ។ ប៉ូលីសបានិយាយថា ក្មេងទាំង ៣ នេះ បានរត់គេចពីប៉ូលីស ដោយឱបគ្នា ទាំងកាយញ័រទទ្រើត ពេលដែលប៉ូលីសស្វែងរកពួកគេឃើញ ។
ក្មេងទាំង ៣ នាក់ដែលត្រូវបានគេបោះបង់ចោលនេះ ទី ១ឈ្មោះ Rahnuma អាយុ ៧ ឆ្នាំ ទី ២ឈ្មោះ Raja អាយុ ៥ ឆ្នាំ និងទី ៣ឈ្មោះ Sanya អាយុ ៤ ឆ្នាំ ។បើតាមសម្តីក្មេងនេះ បានប្រាប់ឲ្យដឹងថា ឪពុករបស់ខ្លួន បានពួកខ្លួន មកពីក្រុងផ្សេង ធ្វើដំណើរ មកកាន់ទីក្រុងញ៉ូវដេលី ហើយក៏បោះបង់យើងចោលតែម្តងទៅ ដោយគ្រាន់តែប្រាប់ថា ឲ្យរងចាំនៅទីនេះ ។
ជាមួយនឹងគ្នានេះដែរ ប៉ូលីស និងអ្នករស់នៅទីក្រុងញ៉ូវដេលី ពិតជាមានសំណាងខ្លាំងណាស់ ដែលអាចរកឃើញម្តាយក្មេង ស្រីទាំងបី ។ ស្ត្រីដែលជាម្តាយបាន ប្រាប់ឲ្យដឹងផងដែរថា ប្តីរបស់នាង បាននាំកូន៣ នាក់នេះ ចាកចេញពីខ្លួនដោយ មិនបានផ្តល់ព័ត៌មានអ្វីឡើយ ។ តែទោះជាយ៉ាងណា បន្ទាប់ពីក្មេងស្រី ៣ នាក់នេះ ដេកនៅស្ថានីយ៍រថភ្លើង និង ស្ថានីយ៍ប៉ូលីស អស់ជាច្រើន បានជួបជុំម្តាយរបស់ខ្លួនវិញហើយ ៕
មតិយោបល់