ភ្នំពេញ៖កាលពីរាត្រីថ្ងៃទី ២២ ខែ មីនា កន្លងទៅថ្មីៗនេះ តារាសម្តែង អ៊ឹម ជីវ៉ា បានប្រកាសលើទំព័រហ្វេសប៊ុករបស់ខ្លួនថា “យប់មិញនៅកោះពេជ្រ នៅវេលារម៉ោង 8:30 នាទីយប់( 22.03.2015 ) នៅពេលដែលខ្ញុំបាទចេញពីកម្មវិធី សង្ហាបៀរខ្ញុំបាទត្រូវបានចោគាស់ទ្វារឡាន លួចកាបូប ក្នុងកាបូបនោះមានសំភារះមួយចំនួនក្នុងនោះរួមមាន ខ្សែរករផ្លាទិន 5 ជី បន្តោងខ្សែករ2ជី នាឡិកាដៃផ្លាទិនចំនួន1ក្រឿង, នាឡិការដៃម៉ាកស្វិស1គ្រឿង , លុយដុល្លារ490 ដុល្លារ លុយខ្មែរ ជាង 500000 រៀល បាស្ព័រ , អត្តសញ្ញាណបណ្ឌ, កាតធនាគារ និងសំភារះមួយចំនួនទៀត សរុបលុយជាង 3000ដុល្លារ ។ ក្នុងនោះក៏មានការបូបតារាសម្តែងជើងចាស់អ្នកគ្រូ ធន់ យុវណ្ណា សរុបជាទឹកប្រាក់ ជាង1000 ដុល្លារ, បើបងប្អូនណាបានរើសបាន បាស្ព័រ នង អត្តសញ្ញណប័ណ្ឌ និងកាតធនាគារ សូមយកប្រគល់ឲ្យខ្ញុំបាទផង ព្រោះខ្ញុំបាទត្រូវការ បាស្ព័ ជាចាំបាច់ខ្លាំងណាស់ ខ្ញុំបាទនិង ជូនជាសគុណ ឬទាក់ទងលេខខ្ញុំបាទ 069 66 06 91 ។ ដោយក្តីគោរព អឹម ជីវ៉ា” ។
ការបង្ហោះជូនដំណឹង លាយឡំ ជាមួយនឹងភាពសោកស្តាយ នេះ ក៏ត្រូវបានមិត្តភក្តិរួមអាជីព និងអ្នកគាំទ្រផ្សេងទៀត ជួយរំលែក ភាពសោកស្តាយ ជាមួយនឹងអ៊ឹម ជីវ៉ា ផងដែរ។ តែទោះជាយ៉ាងនេះក្តី ក៏មានអ្នកលេងបណ្តាញសង្គមហ្វេសប៊ុកម្នាក់ បានធ្វើការឌឺដង ចំពោះ លោក អ៊ឹម ជីវ៉ា ថា”យំស្វែងរកជំនួយទេដឹង?ហ្នឹងគេថាបើធ្វើបុណ្យ
គឺបានបុណ្យហើយ” ។ ជាមួយនឹង Commnents នេះដែរ បានធ្វើឲ្យ អ៊ឹម ជីវ៉ា ក្តៅឈួលចុងច្រមុះ ដោយតបវិញថា “ខ្ញុំមិនមែនមនុស្សថោកទាបដល់ថ្នាក់ បាត់របស់ខ្លួនឯង ដើរសុំជំនួយគេយកមកស៊ីនោះទេ, គ្មានអ្នកណាមួយចង់បាត់បងនោះទេ , កុំសើចនិងបងប្រយ័ត្នពាឆ្លងម្តងម្នាក់,” ។
សូមរំឭកផងដែរថា អ៊ឹម ជីវ៉ា ចូលមកដល់ឆ្នាំ ២០១៥ នេះ ល្បីឈ្មោះ ខ្លាំងបំផុតតាមរយ:ការធ្វើកម្មវីធី សប្បុសធម៌ ដោយជួយដល់អ្នកសិល្ប:ដែលជារៀមច្បងចាស់ៗបាត់បង់សមត្ថភាព និងដេកឈឺនៅកន្ទេល ៕
មតិយោបល់