ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញទៅចូលរួមពិធីបុណ្យសពផ្លូវរដ្ឋ របស់លោក លី ក្វាន់យូ បិតាស្ថាបនានៃប្រទេសសិង្ហបុរី ដែលនឹងប្រព្រឹត្តទៅនៅថ្ងៃទី២៩ ខែមីនា ឆ្នាំ ២០១៥។
យោងតាមសេចក្ដីជូនព័ត៌មានរបស់ក្រសួងការបរទេសបានឲ្យដឹងថា សម្ដេច ហ៊ុន សែន នឹងទៅចូលរួមគោរពសពលោក លី ក្វាន់យូ អតីតនាយករដ្ឋមន្ត្រីសិង្ហបុរី ជានាយករដ្ឋមន្ត្រីដំបូង ជាបិតាស្ថាបនាសិង្ហបុរី និងជាមនុស្សម្នាក់ដែលចំណាយពេលវេលាពេញមួយជីវិតសម្រាប់ប្រជាជន និងប្រទេសសិង្ហបុរី។
គួរបញ្ជាក់ផងដែរថា លោក លី ក្វាន់យូ បានទទួលមរណភាពកាលពីថ្ងៃទី២៤ ខែមីនា ម្សិលមិញនេះ ក្នុងវ័យ ៩១ឆ្នាំដោយបានធ្វើឲ្យប្រជាជនសិង្ហបុរីទាំង
មូល មានអារម្មណ៍សោកស្ដាយជាពន់ពេក៕
មតិយោបល់