ភ្នំពេញ ៖ មជ្ឈមណ្ឌលជាតិលើកម្ពស់សុខភាព បានបញ្ជាក់ថា ចំនួនអ្នកស្លាប់ដោយសារផលិតផលថ្នាំជក់នៅកម្ពុជា នាពេលបច្ចុប្បន្នបានកើនឡើងសាហារវជាងជំងឺអេដស៍ទ្វេដង។
លោក ស៊ិន សុវណ្ណ នាយករង នៃមជ្ឈមណ្ឌលជាតិលើកម្ពស់សុខភាព បានមានប្រសាសន៍ ក្នុងសិក្ខាសាលា ស្ដីពីការផ្សព្វផ្សាយ អំពីផលប៉ះពាល់ នៃការប្រើប្រាស់ថ្នាំ ជក់ដល់អ្នកជំនាញវិជ្ជាជីវៈប្រព័ន្ធផ្សព្វផ្សាយ នៅថ្ងៃទី៣០ ខែមីនា ឆ្នាំ២០១៥ថា ថ្នាំជក់មិនត្រឹមតែប៉ះពាល់ដល់សុខភាពប៉ុណ្ណោះ
ទេ វាថែមទាំងបំផ្លាញ សេដ្ឋកិច្ចគ្រួសារ-ជាតិ និងបរិស្ថានយ៉ាងធ្ងន់ធ្ងរ។
លោកបន្តថា ជាពិសេសសម្រាប់ស្ដ្រីមានផ្ទៃពោះ តែម្តង ធ្វើឲ្យប៉ះពាល់ដល់ទារកយ៉ាងខ្លាំង គឺកើតមិនគ្រប់គីទ្បូ កើត មុនខែ កើតមកស្លាប់ រលូត មហារីកឈាម មហារីកខួរក្បាល រលាតផ្លូវដង្ហើម ។
គួរបញ្ជាក់ផងដែរថា អត្រាអ្នកប្រើប្រាស់ថ្នាំជក់នៅកម្ពុជា ប្រមាណ ២លាននាក់ និងប្រហែលមួយម៉ឺននាក់ បានស្លាប់ កាល ពីពេលកន្លងទៅ ៕
ព័ត៌មានជាតិ
មតិយោបល់