អ្នកចាត់ការទូទៅរបស់ក្លិប Real Madrid លោក Carlo Ancelotti បានគិតថា​ក្រុម​របស់លោក​សមនឹង​ទទួលបានបន្ថែមទៀត​នៅក្នុងក្របខណ្ឌ Champions League ក្នុងវគ្គ ១៦ ក្រុម​ចុងក្រោយ ជាមួយនឹង Atletico Madrid ដែលបញ្ចប់នៅលទ្ធផល ០ ទល់នឹង ០ ។ សម្រាប់គូរនេះគឺជាការប៉ះគ្នាលើកទី ១ នៅពហុកីឡដ្ឋាន Vicente Calderon កាលពីថ្ងៃអង្គារ ហើយលទ្ធផលនេះដែរ វាមិនបានធ្វើឲ្យលោក Carlo Ancelotti សប្បាយរីករាយនោះទេ​។​
លោក Carlo Ancelotti បាននិយាយប្រាប់​ស្ថានីយ៍ទូរទស្សន៍ ITV ថា លទ្ធផលនេះ​វាមិនល្អសម្រាប់យើងនោះទេ ខណៈដែលតង់ទី ១ យើងលេងបានយ៉ាងល្អ ។ ចំណុចនេះដែរយើងត្រូវតែព្យាយាម​ធ្វើយ៉ាងណា ពេលលេងនៅពហុកីឡដ្ឋានយើង យើង​នឹង​ធ្វើវា​ឲ្យកាន់តែប្រសើរ ។​
ក្នុងនោះដែរ លោក Carlo Ancelotti ក៏បានកោតសរសើរទៅលើអ្នកចាំទី សញ្ជាតិស្លូវ៉ានៀ លោក Jan Oblak របស់ Atletico Madrid ដែលបានព្យាយាម​សង្គ្រោះបាល់ខ្សែប្រយុទ្ធរបស់លោក ។​