តារាចម្រៀងស្រីវ័យក្មេង សម្រស់ស្រស់ស្អាត កញ្ញា Ariana Grande និងតារាចម្រៀងរ៉េបស្បែកខ្មៅ លោក Big Sean ត្រូវបាន​បញ្ជាក់ជាផ្លូវការ​ថា ទំនាក់ទំនងស្នេហារវាងពួកគេទាំងពីរត្រូវបានបញ្ចប់។ នេះបើយោងតាមការចុះផ្សាយរបស់សារព័ត៌មាន US Weekly ចេញផ្សាយនៅថ្ងៃទី២១ ខែ​មេសា ឆ្នាំ ២០១៥។

ប្រភពខាងលើបានបញ្ជាក់ថា បើទោះបីជាពួកគេទាំងពីរបានផ្ដាច់ទំនាក់ទំនងស្នេហានឹងគ្នាមែន ប៉ុន្តែពួកគេនៅតែខ្វាយខ្វល់គ្នាទៅវិញ ទៅមកក្នុងមាន​ជាមិត្តភ័ក្តិ តែសម្រាប់មូលហេតុដែលនាំឲ្យពួកគេទាំងពីរឈានដល់​ផ្លូវបំបែកនោះមិនត្រូវបានបញ្ជាក់ជាផ្លូវការឡើយ ពោលគឺមានតែព័ត៌មាន​ចចាមអារ៉ាមប៉ុណ្ណោះ។

គួរបញ្ជាក់ផងដែរថា Ariana Grande និង Big Sean បានបង្ហាញទំនាក់ទំនងស្នេហាជាសាធារណៈអស់រយៈពេល ៨ខែមកហើយ ដោយបានចេញ​បទចម្រៀងរួមគ្នាទៀតផង ជាពិសេសគឺបានបង្ហាញពីភាពស្និទ្ធស្នាលនឹងគ្នាតាមរយៈការប្រគំតន្ត្រីជាច្រើន ដោយអ្នកគាំទ្រជាច្រើនសុទ្ធតែសាទរ​ចំពោះ​សេចក្ដីស្រឡាញ់របស់ពួកគេ៕