ភ្នំពេញ៖ លោក ប៉ា សុជាតិវង្ស អភិបាលរាជធានីភ្នំពេញ បានធ្វើការប្ដេជ្ញាចិត្ដថា នឹងខិតខំលុបបំបាត់ទាំងស្រុងរាល់សកម្មភាពផ្សាយផលិតផលថ្នាំជក់ នៅ កន្លែងធ្វើការ សាលារៀន សួនកុមារ ជាពិសេសនៅតាមទីសាធារណៈ ក្នុង រាជធានីភ្នំពេញនោះ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន AKP ចេញផ្សាយនៅថ្ងៃទី២៣ ខែមេសា ឆ្នាំ ២០១៤។
លោក ប៉ា សុជាតិវង្ស បានអះអាងថា លោកនឹងខិតខំព្យាយាមលុបបំបាត់ឱ្យអស់ នូវរាល់ទម្រង់ នៃការផ្សាយពាណិជ្ជកម្មផលិតផល ប៉ាណូថ្នាំជក់ ការសេព និងការបង្ហុយផ្សែងបារី នៅកន្លែងទីសាធារណៈសំខាន់ៗមួយចំនួន ក្នុងរាជធា នីភ្នំពេញ ។ ការខិតខំនេះ ដើម្បីឆ្លើយតបទៅតាមស្មារតី អាស៊ានគ្មានផ្សែងបារីនាពេលអនាគត ជាពិសេសច្បាប់ត្រួតពិនិត្យថ្នាំជក់ របស់កម្ពុជា ក្នុងនាមកម្ពុជាជារដ្ឋភាគី នៃអង្គការសហប្រជាជាតិ សាលារាជ ធានីនឹងខិតខំយកចិត្តទុកដាក់ចូលរួមទប់ស្កាត់រាល់មធ្យោបាយ ផ្សព្វផ្សាយ ដែលមាននិន្នាការទាក់ទាញអតិថិជនឱ្យប្រើប្រាស់ផលិតផលថ្នាំជក់ និងអនុ វត្តន៍ច្បាប់ត្រួតពិនិត្យថ្នាំជក់ឱ្យមានប្រសិទ្ធភាព សំដៅការពារប្រជាពលរដ្ឋទូ ទៅ ក្នុងរាជធានីភ្នំពេញពិសេសយុវ័យជំនាន់ក្រោយឱ្យរួចចាកផុតពីការបំ ផ្លាញសុខភាព សេដ្ឋកិច្ច បរិស្ថាន និងភាពក្រីក្រ។
គួរបញ្ជាក់ផងដែរថា នៅក្នុងរបាយការណ៍អង្កេតតាមដានរបស់អង្គការ សុខភាពពិភពលោកបានបង្ហាញថា សព្វថ្ងៃនេះស្ត្រីកម្ពុជា៧៥ភាគរយ និង កុមារ៨០ភាគរយកំពុងស្រូបផ្សែងបារីពីគេ ហើយជិត៩០ភាគរយកំពុងស្រូប ផ្សែងបារីនៅតាមភោជនីយដ្ឋាន កន្លែងទទួលអាហារ ភេសជ្ជៈ ជិត៦០ភាគ រយស្រូបនៅពេលធ្វើដំណើរតាមមធ្យោបាយសាធារណៈ និងជិត៥០ភាគរយ នៅកន្លែងធ្វើការ ដោយក្នុងនោះអត្រាអ្នកប្រើប្រាស់ថ្នាំជក់នៅកម្ពុជាប្រមាណ២លាននាក់ និងប្រហែលមួយម៉ឺននាក់បានស្លាប់ កាលពីពេលកន្លងទៅ៕
ព័ត៌មានជាតិ
មតិយោបល់