​ខណៈដែល​ប្រាក់ចំណេញ​របស់​ក្រុមហ៊ុន Google នៅក្នុង​ត្រីមាស​ដើមឆ្នាំ ២០១៥ ស្មើនឹង​ប្រាក់ចំណូល​របស់ Facebook នោះ នៅពេលនេះ ប្រាក់ចំណេញ​របស់ Microsoft ទទួលបាន​ច្រើនជាង Google ជិត​ស្មើ​ពីរដង​។​
​នៅ​ថ្ងៃ​ព្រហស្បតិ៍​ទី​២៣ ខែមេសា ឆ្នាំ ២០១៥ ម្សិលមិញ​នេះ ក្រុមហ៊ុន Microsoft បានប្រកាស​បង្ហាញ​ឲ្យ​ដឹង​ពី​ប្រាក់ចំណេញ និង​ចំណូល​នៅក្នុង​ត្រីមាស​ដើមឆ្នាំ ២០១៥ ដោយ​ប្រាក់ចំណេញ​ធ្លាក់ចុះ ១២​ភាគរយ ខណៈ​ប្រាក់ចំណូល​កើនឡើង​តែ ៦​ភាគរយ​។ នៅក្នុង​ត្រីមាស​ដើមឆ្នាំ ២០១៥ Microsoft ទទួលបាន​ប្រាក់ចំណូល ២១,៧​ពាន់​លាន​ដុល្លារ​អាមេរិក ចំណែក​ប្រាក់ចំណេញ​វិញ មាន​ចំនួន ៤,៩​ពាន់​លាន​ដុល្លារ​អាមេរិក ខណៈដែល​ប្រាក់ចំណេញ Google មាន​ចំនួន ៣,៦​ពាន់​លាន​ដុល្លារ​អាមេរិក និង​ប្រាក់ចំណូល​សរុប Facebook មាន​ចំនួន ៣,៥៦​ពាន់​លាន​ដុល្លារ​អាមេរិក​៕​