ភ្នំពេញ៖ យោងតាម Facebook Page របស់សាលារាជធានីភ្នំពេញ បានឲ្យដឹងថា ការដ្ឋានផ្លូវវេងស្រេង សម្រេចចាក់បេតុងរួចបាន ៨២% នៃគម្រោង ដែលធ្វើអោយដងផ្លូវមានទទឹងធំទូលាយ ចរាចរមិនកកស្ទះដូចមុន និងកាត់បន្ថយដីហុយស្ទើទាំងស្រុង។
ក្នុងងផែនការយុទ្ឋសាស្ត្រដោះស្រាយបញ្ហាការកកស្ទះចរាចរនៅផ្នែកខាងត្បូងនិងខាងលិចរាជធានីភ្នំពេញ សាលារាជធានីភ្នំពេញ បាននិងកំពុងប្រគល់ជូនក្រុមហ៊ុនធ្វើការវិនិយោគស្ថាបនាពង្រីកផ្លូវវេងស្រេងជាផ្លូវបេតុងអារមេ កំរាស់២០ស.ម ទទឹង៣០ម ក្នុងនោះផ្លូវបេតុងអារមេ ទទឹង ១៩.៥០ម សួនកណ្តាល ២.៥០ម ចិព្ចើាមថ្នល់សងខាង ៤ម ប្រវែងផ្លូវ ៦៥០០ម ចាប់ពីស្ថានីយ៍ប្រេងសូគីមិចដល់រង្វង់មូលចោមចៅ តម្លើងបង្គោលភ្លើងព្រែកជា២គំលាតពី១បង្គោលទៅ១បង្គោលចម្ងាយ៤០ម និងដាក់លូទំហំ១.៥០ម ប្រវែង ១៣គ.ម សងខាងផ្លូវទៀតផង។
ជាមួយគ្នានេះ សាលារាជធានីភ្នំពេញ ស្នើសុំប្រជាពលរដ្ឋដែលនៅសងខាងផ្លូវមេត្តាចូលរួមរៀបខឿនបេតុង និងការឺឡាចិញ្ចើមថ្នល់អោយបានស្អាតល្អរៀងៗខ្លួន និងមេត្តាកុំលក់ដូរលើសាច់ថ្នល់ដែលធ្វើអោយប៉ះពាល់សណ្តាប់ធ្នាប់ចរាចរ៕
មតិយោបល់