ឯកឧត្តម ថោង ខុន រដ្ឋមន្ត្រីក្រសួងទេសចរណ៏ បានបញ្ជាក់ថា បុណ្យសមុទ្រក្នុងឆ្នាំនេះ និងត្រូវរៀបចំឡើងនៅក្នុងខេត្តកំពត ក្នុងនោះឧទ្យាជាតិ ព្រះមណីយវង្សបូកគោ ត្រូវបានជ្រើសរើសជាកន្លែងប្រារព្ធពិធីជួបជុំធំជាងគេ បន្ទាប់ពីធីបើកត្រូវបានរៀបចំនៅទីរួមខេត្តកំពត ខណៈដែលឧទ្យាជាតិនេះគឺជាគោលដៅ ដើម្បីផ្សព្វផ្សាយទាក់ទាញទេសចរណ៏សំខាន់ជាងគេ និងមានសក្តានុពលនៅក្នុងខេត្តកំពត ។ ថែ្លងបែបនេះក្នុងឱកាសដែល ឯកឧត្តមរដ្ឋមន្ត្រី ជួបប្រជុំជាមួយមន្ទីរទេសចរណ៏ និងអាជ្ញាធរខេត្តដែលពាក់ពន្ធ នៅរសៀលថៃ្ងទី២៨ ខែមេសា ឆ្នាំ២០១៥ ដើម្បីត្រៀមខ្លួនរៀបចំបុណ្យសមុទ្រ ។ឯកឧត្តមរដ្ឋមន្ត្រី បញ្ជាក់ថា បុណ្យសមុទ្រនៅក្នុងឆ្នាំនេះ ការរៀបចំមានលក្ខណៈទ្រង់ទ្រាយធំជាងឆ្នាំមុនៗ ហើយការរៀបចំគ្រោង និងប្រារព្ធនៅក្នុងអំឡុងខែធ្នូ រយៈពេល៣ថៃ្ង ចាប់ពីថៃ្ងសុក្រទី១១ និងត្រូវបញ្ជប់នៅថៃ្ងអាទិត្យទី១៣ ។ឯកឧត្តសង្កត់ធ្ងន់ថា ដើម្បីត្រៀមលក្ខណៈ អោយពិធីបុណ្យសមុទ្រ ទទួលបានការចាប់អារម្មណ៏ និងមានភាពទាក់ទាញកាន់តែខ្លាំង ពីសំណាក់ភ្ញៀវទេសចរណ៏ ដែលមកកំសាន្តនោះ ចាំបាច់ត្រូវខេត្តរៀបចំហេដ្ឋារចនាសម្ព័ន្ធ សណ្តាប់ធ្នាប់អោយបានល្អ ដោយធ្វើយ៉ាងណារៀបចំតំបន់រមណីដ្ឋាន ទេសចរណ៏ចាស់សារជាថ្មីឡើងវិញ និងធ្វើអោយតំបន់នោះ មានលក្ខណៈស្តង់ដាជាលក្ខណៈជាតិ និងអន្តរជាតិ ដើម្បីមានភាពទាក់ទាញ ជាពិសេស តំបន់ទេសចរណ៏ថ្មីៗ ដូចជា តំបន់ទេសចរណ៏កំពង់ត្រាច តំបន់ទេសចរណ៏ស្រែអំពិល តំបន់ទេសចរណ៏អំពិលអំពែង ដែលមានព្រៃកោងកាង និងចំការម្រេចជាដើម ។ ឯកឧត្តរដ្ឋមន្ត្រីបន្ថែមទៀតថា គោលដៅដែលប្រាព្ធពិធីជួបជុំធំ នៅលើឧទ្យាជាតិបភ្នំបូកគោ ក្នុងគោលបំណង ជួយឃោសនាផ្សព្វផ្សាយដល់ភ្ញៀវជាតិ និងអន្តរជាតិ អំពីការអភិវឌ្ឍន៏ នៅលើឧទ្យាជាតិព្រះមណីយវង្សបូកគោ ព្រោះថាតំបន់នេះ ជាតំបន់ទេសចរណ៏ ដែលផ្តល់សេដ្ឋកិច្ចយ៉ាងច្រើន ដល់ប្រទេសជាតិ និងវិស័យទេសចរណ៏យើង ក្នុងដំណាក់កាលចុងឆ្នាំនេះ វាជិតដល់ពេលដែលកម្ពុជា ត្រូវប្រកាសជាផ្លូវការ ដើម្បីចូលសហគមអាស៊ាន ។ ក្នុងនោះក្រសួងគ្រោងនិងអញ្ជើញប្រទេសថៃ វៀតណាម សង្ហបុរី និងក្លឹបឆ្នេសមុទ្រស្អាត់មកចូលរួមក្នុងកម្មវិធីបុណ្យសមុទ្រ ។ ឯកឧត្តមបន្តទៀតថា សម្រាប់ព្រឹត្តិការណ៏កីឡា ដែលចូលរួមក្នុងពិធីបុណ្យសមុទ្រឆ្នាំនេះ និងបន្ថែមប្រភេទកីឡាថ្មីមួយចំនួន ធ្វើអោយធំជាងឆ្នាំមុន ដូចជា ការប្រកួតទូកក្តោង គោលដៅបន្ថែមប្រភេទកីឡានេះ ត្រៀមរៀបចំអេស៊ានហ្គេម មុនស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ ។ ឯកឧត្តមរដ្ឋមន្ត្រី លើកឡើងទៀតថា បទពិសោធន៏ ក្នុងការរៀបចំបុណ្យសមុទ្រ និងបុណ្យទន្លេកន្លងមក វាមានបទពិសោធន៏ជាច្រើន ដែលធ្វើទៅជាន់គ្នាដដែលៗ ដែលយើងត្រូវបន្ថែមអ្វីដែលថ្មី និងមានភាពទាក់ទាញខ្លាំង ធ្វើយ៉ាងណាទាក់ទាញភ្ញៀវទេសចរណ៏មកលេងកម្ពុជា ជាងបណ្តាឆ្នាំមុនៗ ។ ឯកឧត្តមបានជម្រុញអោយមន្ត្រីពាក់ព័ន្ធទាំងអស់ ត្រូវផ្សព្វផ្សាយអប់រំពលរដ្ឋ ក្នុងការត្រៀមរៀបចំខ្លួន រៀបចំផ្ទះសំបែង ដើម្បីទទួលភ្ញៀវ ព្រោះថា សេវាផ្ទះសំណាក់ សណ្ឋាគារវាមិនគ្រប់និងចំនួនភ្ញៀវទេសចរណ៏ មកកំសាន្តក្នុងអំឡុងបុណ្យសមុទ្រឡើយ ការធ្វើដូចនេះ វាគឺជាការផ្តល់អោយប្រជាពលរដ្ឋ ទទួលបានប្រាក់ចំណូលដោយផ្ទាល់ ក្នុងនោះ ឯកឧត្តមបានណែនាំដល់អាជ្ញាធរដែនដី ត្រូវផ្សព្វផ្សាដល់ម្ចាស់ផ្ទះសំណាក់ សណ្ឋាគារ និងភោជណីយដ្ឋានទាំងអស់ នៅក្នុងខេត្តកំពត សូមកុំអោយដំឡើងថ្លែ បើតាមការគ្រោងទុករបស់ឯកឧត្តមរដ្ឋមន្ត្រី ក្រសួងទេសចរណ៏ បុណ្យសមុទ្រនៅក្នុងឆ្នាំនេះ និងអញ្ជើញសម្តេចអគ្គមហាសេនាបតីតេជោ ហ៊ុន សែន ធ្វើជាអធិបតីដ៏ខ្ពង់ខ្ពស់ នៅក្នុងពិធីបើកដាក់អោយដំណើរការបុណ្យសមុទ្រ ៕
ព័ត៌មានជាតិ
មតិយោបល់