ភ្នំពេញ ៖កន្លងមកបើទោះបីជា សាសារាជធានី ភ្នំពេញ បានរៀបចំផែនការ ដើម្បីចាត់វិធានការពង្រឹងសណ្ដាប់ធ្នាប់ទៅលើការទារភាស៊ីតាមផ្សារឲ្យបានត្រឹមត្រូវឡើងវិញតាមសៀវភៅបន្ទុក ដែលបានចែង។ ចំពោះបញ្ហានៃការទារភាស៊ីតាមផ្សារនេះ សាលារាជធានីភ្នំពេញ ធ្លាប់បានប្រកាសដល់អ្នកទារភាស៊ីក៏ដូចជាអ្នកកិបសំបុត្រកង់ម៉ូតូម្ដងរួចមកហើយដោយឲ្យពួកគេទាំងនោះធ្វើការអនុវត្តតាមសៀវភៅបន្ទុក ដែលបានចែង។ ប៉ុន្តែជាការកត់សម្គាល់នោះ គេសង្កេតឃើញថា អ្នកប្រកបរបរទារភាស៊ី និងកិបសំបុត្រកង់-ម៉ូតូ តាមផ្សារទាំងនោះមិនបានអនុវត្ត តាមការប្រកាសរបស់សាលារាជធានីភ្នំពេញឡើយ។
រឿងថ្មីមួយទៀត កាលពីថ្ងៃទី ១១ ខែ ឧសភា កន្លងទៅនេះ អ្នកលេងហ្វេសប៊ុកបានប្រតិកម្មនឹងថ្លៃភាស៊ី ផ្ញើ កង់ ម៉ូតូ ថា «តម្លៃតែ៣០០៛ទេអោយ៥០០៛ក៏មិនយកដែរ នៅតែយក១០០០រៀល ផ្សារអូរឡាំពិក» ។
ជាមួយនឹងសកម្មភាពនេះ ដែរ ត្រូវបានមហាជនរិះគន់ទៅលើសាលារាជធានីភ្នំពេញ កន្លងមកធ្វើឲ្យតែល្អមើល តែវិធានការជាក់ស្តែង គ្មានលទ្ធផល ដូចសម្តីដែលនិយាយទាល់តែសោះឡើយ ដែលធ្វើឲ្យប្រជាជន អស់ជំនឿ នឹងរឿងនេះ ថា វាអាចទៅរួចទេ ច្បាប់ចេញផ្សេង តែសកម្មភាពអនុវត្ត ទៅជាផ្សឹង៕
មតិយោបល់