កំពង់ឆ្នាំង៖លោកជំទាវ កែវ ចន្ទ័មុនី អ្នកតំណាងរាស្ត្រមណ្ឌលកំពង់ឆ្នាំងនិងមន្ត្រីរាការមួយចំ នួនក្នុងគណៈកម្មាធិការបក្សប្រជាជនកម្ពុជាខេត្តកំពង់ឆ្នាំង និងប្រជាពលរដ្ឋក្នុងមូលដ្ឋានជាច្រើននាក់ នៅព្រឹកថ្ងៃទី០៨ ខែតុលា ឆ្នាំ២០ ១៤ បានចូលរួមក្នុងពិធីបុណ្យឆ្លងព្រះវិហារ(សូរ៉ាវ)អាល់ភូរកនឥស្លាម (កន្លែងប្រមូលផ្តុំមនុស្សអោយធ្វើតែអំពើល្អ)នៅក្នុងភូមិចាន់គៀក ឃុំអូរឬស្សី ស្រុកកំពង់ត្រឡាច។
លោកជំទាវ កែវ ចន្ទ័មុនី អ្នកតំណាងរាស្ត្រមណ្ឌលខេត្តកំពង់ឆ្នាំង បានធ្វើការសំណេះសំ
ណាលជាមួយបងប្អូនខ្មែរឥស្លាមដែលមកចូលរួមធ្វើបុណ្យឆ្លងព្រះវិហារខា្ងលើនេះថា៖ បុណ្យឆ្លងវិហារខ្មែរឥស្លាមនេះបានបញ្ជាក់អោយឃើញយ៉ាងច្បាស់ថា៖ ប្រមុខរាជរដ្ឋាភិបាលនៃព្រះរាជាណាចក្រកម្ពុជាមានគោលនយោបាយដ៏ល្អប្រពៃ អនុញ្ញាតិអោយប្រជាពលរដ្ឋគ្រប់ពូជសាសន៍ដែលរស់នៅលើទឹកដីកម្ពុជា គោរពបាននូវជំនឿសាសនារបស់ខ្លួនដោយមិនប្រកាន់និន្នាការនោយបាយឬពូជសាសន៍នោះឡើយ។
លោកជំទាវបានលើកឡើងទៀតថា៖កន្លងមកបងប្អូនខ្មែរឥស្លាម ក៏ធ្លាប់បានចូលបំរើក្នុង
ជួរកងទព័ លះបង់អាយុជីវិតជាមួយយុទ្ធជនកម្ពុជា តស៊ូរំដោះទឹកដីកម្ពុជាពីពួកប៉ុលពតរហូតបានដោយជោគជ័យនៅថ្ងៃ៧មករា ឆ្នាំ១៩៧៩។ បច្ចុបន្បន្នបងប្អូនខ្មែរឥស្លាមក៏បានចូលរួមអភិវឌ្ឃន៍លើគ្រប់វិស័យនៅតាមមូលដ្ឋាន នៅលើក្នុងទឹកដីកម្ពុជា។វិស័យសាសនាទៀតសោធខ្មែរ
ឥស្លាមក៏បានចូលរួមគ្រប់ពិធីបុណ្យធំៗរបស់ជាតិមាន បុណ្យចំរើនព្រះជន្មសម្តេចឪ សម្តេចម៉ែ
បុណ្យចំរើនព្រះជន្មព្រះមហាក្សត្ស និងបុណ្យព្រះបរមព្រះរតនៈកោណជាដើម។
លោក ម៉ាត់ ម៉ូត អនុប្រធានគណៈកម្មកាធិការបក្សប្រជាជនកម្ពុជាខេត្តកំពង់ឆ្នាំងបានមានប្រសាសន៍អោយដឹងថា៖ព្រះវិហារអាល់ភូរកន បកប្រែជាភាសាខ្មែរថា « កន្លែងប្រមូលផ្តុំមនុស្សអោយធ្វើតែអំពើល្អ » ការចូលរួមបុណ្យឆ្លងព្រះវិហារនេះ គឺជាការរួមសាមគ្គីគ្នារវាងខ្មែរ
ឥស្លាម និងប្រជាពលរដ្ឋខ្មែរធ្វើតែអំពើល្អ ដឹងគុណដឹងទោស ដឹងអ្នកដែលផ្តល់កំណើត និង
អ្នកដែលជួយសង្គ្រោះជីវិត អោយរួចផុតពីវាលពិឃាត និងគុកឥតជញ្ជាំងរបស់ប៉ុលពត។
លោក ស៊ូ លី អាយុ៦៨ឆ្នាំ ជាអ៊ីមាំ (សង្គ្រាចវិហារឥស្លាម )បានអោយអ្នកយកព័ត៌មានយើងដឹងថា៖ព្រះវិហារនេះមានបណ្តោយ២២ម៉ែត្រ ទទឹង១៦ម៉ែត្រ បានចាប់កសាងមកនៅថ្ងៃទី១៥ ខែមិនា ឆ្នាំ២០១០ និងបានធ្វើរួចរាល់អស់ប្រាក់សរុបចំនួន ៧៣.៥៣០ដុល្លា ក្នុងនោះប្រាក់ជាង៤ម៉ឺនដុល្លាជាប្រាក់របស់អ្នកស្រុកចូលរួមគ្នាកសាង និងប្រាក់ជា៣ម៉ឺនដុល្លាទៀតជាប្រាក់របស់សប្បុរសជនចូលរួមកសាង និងបានធ្វើបុណ្យឆ្លងដាក់អោយប្រើប្រាស់នៅក្នុងថ្ងៃទី០៨ ខែតុលា ឆ្នាំ២០១៤នេះ។ តាមប្រពៃណីសាសនាខ្មែរឥស្លាមត្រូវធ្វើបុណ្យឆ្លង៣ថ្ងៃ ក្នុងពេលធ្វើបុណ្យឆ្លងបរិស័ទឥស្លាមក្នុងភូមិត្រូវដង្ហែផ្កានំនិងផ្កាប្រាក់ចូលព្រះវិហារ ហើយនាំគ្នាសូត្រធម៌
នៅក្នុងព្រះវិហារទៅតាមប្រពៃណីសាសនា៕
ព័ត៌មានជាតិ
មតិយោបល់