ដោយសារតែបញ្ហានយោបាយជាប់គាំង ពោលគឺមិនទាន់មានភាពប្រសើរល្អមួយរយ ភាគរយនោះ ​ធ្វើឲ្យ​មានបញ្ហាជាច្រើន ​​​ជាពិសេស​លើបណ្តាញសង្គមហ្វេសប៊ុកតែម្តង ​ដោយមានបញ្ហានេះ បញ្ហានោះ ។ ​ក្នុងនោះដែរ អ្នកលេងហ្វេសប៊ុកមួយចំនួនធំ បានងាក​ផ្តោត​មកលើបញ្ហាសុខភាព ​ទាក់ទងនឹងការប្រើប្រាស់ផលិតផល ​​ជាពិសេស​ផលិតផល មកពីប្រទេសវៀតណាម ​ដោយខ្លាច​ជះឥទ្ធិពលខ្លាំងដល់សុខភាព ។​
ក្នុងនោះដែរ អ្នកលេងហ្វេសប៊ុកម្នាក់បាន បង្ហោះរូប និងចោទជាសំនួរថា «គួរប្រើអត់វា​ជាផលិតផលវៀតណាម » ដោយភ្ជាប់មកជាមួយនឹងរូបភាព​​ផលិតផល​ ទឹកថ្នាំ​ដាក់ភ្នែក លាងសំអាតភ្នែក V.ROHTO ។ ទន្ទឹម​ជាមួយនឹងការបង្ហោះរូបដូច្នោះ ​ក៏មាន​អ្នកលេងហ្វេសប៊ុកជាច្រើន មានការព្រួយបារម្ភពីសុខភាពភ្នែកខ្លួន និងអ្នកខ្លះ​ប្រកាស​ថា ឈប់ប្រើវាហើយ ។​
ជាមួយនឹងបញ្ហានេះដែរ ​អ្នកនយោបាយ ធ្លាប់បានប្រកាស​កន្លងមកថា ​​ប្រជាជនកម្ពុជា​មួយភាគតូច កំពុងរើសអើង​ជាតិសាសន៍ បង្កបញ្ហា​​សល់សង្គម ៕​