Post News Media ព័ត៌មានជាតិ ជនជាតិ​អាមេរិ...

ជនជាតិ​អាមេរិក​ម្នាក់​ ​ដួល​បោក​ក្បាលនៅ​លើ​ការ៉ូ បណ្តាលឲ្យស្លាប់ ​

សៀមរាប:​ ​​ជន​​បរទេសម្នាក់​​ ​ត្រូវ​បាន​សន្ដិសុខ​សណ្ឋាគារ​ប្រទះឃើញ​ដេក​ស្លាប់​​នៅ​ក្បែរសណ្ឋាគារ​លាន​ជល់ដំរី​ ជ្រុងខាងកើត​​ ​កាលពី​វេលា​ម៉ោង​៦និង​២០​នាទី​ព្រឹក ​ថ្ងៃទី​៣០ ខែ​តុលា ឆ្នាំ​២០១៦ ​ស្ថិត​នៅ​ភូមិ​មណ្ឌល​១ សង្កាត់​ស្វាយ​ដង្គុំ ​ក្រុង​-​ខេត្តសៀមរាប​។

លោក​វរសេនីយ៍ទោ វ៉ាន់ រិ​ទ្ធ នាយការិយាល័យ​នគរបាល​អន្តោប្រវេសន៍ ​នៃ​ស្នងការដ្ឋាន​នគរបាល​ខេត្តសៀមរាប ​បាន​ឲ្យ​ដឹងថា ជនរងគ្រោះ​មានឈ្មោះ PHILLIP HOUSTON ROLEN ភេទប្រុស អាយុ​៣៤​ឆ្នាំ ​ជនជាតិ​អាមេរិក ជា​ភ្ញៀវ​ទេសចរណ៍ ចូល​មក​ខេត្តសៀមរាប​ កាលពី​ថ្ងៃទី​២៩​ ខែតុលា ឆ្នាំ​២០១៦ មក​ស្នាក់នៅ​សណ្ឋាគារ​កើតហេតុ​ខាងលើ ​បន្ទប់​លេខ​៤០ជាមួយ​ប្រពន្ធ​។ លោកបន្តថា ប្រពន្ធ​សាក​សព បាន​រៀបរាប់​ប្រាប់​សមត្ថកិច្ច​​ថា ​ជនរងគ្រោះ​បាន​ផឹកស្រា​ស្រវឹង​តាំងពី​ល្ងាច រហូតដល់​ជិត​ភ្លឺ ​នៅ​តំបន់​ផាប់​ស្ទ្រី​ត​ទើប​ត្រឡប់​មក​សណ្ឋាគារ​វិញ​។​ ក្រោយពេល​កើតហេតុ​សមត្ថកិច្ច​បច្ចេកទេស​វិទ្យាសាស្ត្រ និង​លោកគ្រូ​ពេទ្យ​អម​តុលាការខេត្ត​សៀមរាប​ បាន​ចុះ​ទៅពិនិត្យ​សាកសព និង​បាន​សន្និដ្ឋានថា ជនរងគ្រោះ​ផឹក​ស្រា​ហួសកំណត់​ អាច​បណ្ដាល​ឲ្យ​គាំង​បេះ​ដូង ​ហើយ​ដួល​បោក​ក្បាល​នៅ​លើ​ការ៉ូ​បណ្ដាល​ឲ្យ​ដាច់​សរសៃ​ឈាម​ខួរក្បាល​ស្លាប់​តែម្តង។

​បច្ចុប្បន្ន​ សព​ត្រូវ​បាន​ដឹក​យក​ទៅ​រក្សាទុក​បណ្ដោះអាសន្ន​នៅ​មន្ទីរពេទ្យ​រ៉ូយ៉ាល់​អង្គរ​ រង់ចាំ​មានការ​ឯកភាព​ពី​ស្ថានទូត​ជា​មុនសិន​៕

ជនជាតិអាមេរិកស្លាប់

ជនជាតិអាមេរិកស្លាប់

ជនជាតិអាមេរិកស្លាប់