ម្ចាស់គណនីហ្វេសប៊ុក Channlin Til និងជាអ្នកបាញ់ធ្នូដ៏អស្ចារ្យកំពុងល្បីល្បាញលើទំព័រហ្វេសប៊ុកនោះ បានសម្តែងអារម្មណ៍របស់ខ្លួនឲ្យដឹងថា«សូមជំរាបសួរ! ជនរួមជាតិខ្មែរទំាងអស់ ! ខ្ញុំបាទនៅខេត្តបន្ទាយមានជ័យ ។ បាញ់ធ្នូកំសាន្ត ឬរៀនបាញ់ធ្នូនឹងមានក្នុងពេលឆាប់ៗនេះ នៅក្បែរភ្នំពេញ ។ ការងារនេះ កំពុងតែដំណើរការជាបណ្តើរហើយ! សូមអរគុណណាស់ចំពោះការលើកទឹកចិត្តដល់របស់ខ្មែរយើង ក៏ដូចជារូបខ្ញុំបាទជាអ្នកស្រាវជ្រាវ។ សូមគោរពជូនពរដល់ជនរួមជាតិខ្មែរទាំងអស់ជួបប្រទះតែសេចក្តីសុខ និងចំរើនតទៅ! សូមអោយខ្មែរនៅជារៀងរហូត! »។
យុវជន ដែលបង្កើតមហាធ្នូ លោក ទិល ចាន់លីន បានផ្តល់បទសម្ភាសន៍ប្រាប់ដំណឹង នៅព្រឹកនេះ ឲ្យដឹងថា «អ្វីដែលលោកប្រកាសនៅលើទំព័រហ្វេសប៊ុកជាការពិតណាស់ លោកគ្រោងនឹងបង្កើតកន្លែងកម្សាន្តបាញ់ធ្នូ នៅ កោះដាច់ ត្រង់ចម្ការស្នេហ៍ គ្រោងការនេះស្ថិតនៅក្នុងការចរចារជាមួយនឹងម្ចាស់ចម្ការខាងលើ » ។ យុវជនរូបនេះបានថ្លែងបន្តទៀតថា ៖ គ្រោងការសម្រាប់កន្លែងបាញ់ធ្នូកម្សាន្តនេះ អាចនឹងចាប់ផ្តើម នៅខែ កញ្ញា ក្នុងឆ្នាំនេះ ក៏ប៉ុន្តែអ្វីដែលលោកត្រូវការបំផុត នៅពេលនេះគឹដៃគូសហការ ពីអង្គការ ក្រុមហ៊ុន និងស្ថាប័ននានា ព្រោះថា បញ្ហាហិរញ្ញវត្ថុ ផ្ទាល់ខ្លួនរបស់លោកមិនអាចធ្វើវាទៅរួចនោះទេ ហេតុដូច្នោះហើយសូមឲ្យស្ថាប័ននានាជួយដល់ ធ្នូខ្មែរផង ដើម្បីឲ្យខ្មែររីកមុខរីកមាត់នៅលើសកលលោក ។
លោកក៏បានបន្ថែមជាចុងក្រោយថា ៖ ខាងលោក ក៏មានធ្នូសម្រាប់លក់ ធ្នូស្រាប់ជួលថតកុន និងធ្នូ បាញ់កម្សាន្តផងដែរ ។
ប្រិយមិត្ត និង ស្ថាប័នដែលចង់ដឹងពីបញ្ហាបាញ់ធ្នូ និង ចង់សហការ អាចខលទៅកាន់លេខទូរស័ព្ទរបស់ យុវជន ទិល ចាន់លីន តាមរយៈលេខ ០៩៦៤៤៤២៩៨៣ ៕
ទស្សនាឃ្លិបដូចខាងក្រោមនេះ៖
មតិយោបល់