ឥណ្ឌា៖ យោងតាមរបាយការណ៍បានឲ្យដឹងថា ចំនួនអ្នកស្លាប់ដោយសាររលកកម្ដៅឡើងខ្លាំងជិត ៥០អង្សាសេនៅឥណ្ឌា បានកើនឡើងដល់ ១៧៧៤នាក់ នៅក្នុងរយៈពេល ១សប្ដាហ៍ ដោយក្នុងនោះ មានរដ្ឋធំៗចំនួនពីររបស់ឥណ្ឌា មានអ្នកស្លាប់ច្រើនជាងគេបំផុត។
របាយការណ៍ថ្មីបានបញ្ជាក់ថា នៅក្នុងរដ្ឋ Telangana មានអ្នកស្លាប់ ១០០នាក់ នៅក្នុងរយៈពេល ២៤ម៉ោង ខណៈដែលនៅរដ្ឋ Andhra Pradesh មានអ្នកស្លាប់ ៣២៩នាក់។ រដ្ឋាភិបាលឥណ្ឌា បានចាត់ទុកនេះជាគ្រោះមហន្តរាយមួយសម្រាប់ប្រទេសឥណ្ឌា ព្រោះថាចំនួនអ្នកស្លាប់ច្រើនលើសពីការរំពឹងទុក។
គួរបញ្ជាក់ផងដែរថា រលកកម្ដៅនេះ បានបោកបក់មកពីប្រទេសអ៊ីរ៉ង់ និងអាហ្វហ្គានីស្ថាន ដែលជាប្រភេទខ្យល់ស្ងួត ធ្វើឲ្យពិបាកក្នុងការដកដង្ហើម ដូច្នេះហើយរដ្ឋាភិបាលឥណ្ឌាប្រកាសឲ្យពលរដ្ឋផឹកទឹកឲ្យបានច្រើន៕
ព័ត៌មានជាតិ
មតិយោបល់