ភ្នំពេញ៖ បុរសម្នាក់ត្រូវបានខ្មាន់កាំភ្លើងបាញ់សម្លាប់នៅក្នុង «ហាងគុយទាវឆ្នាំងភ្លើង សឹងហ៊ីភ្នំពេញ» ស្ថិតលើផ្លូវលេខ៦៣ ក្នុងសង្កាត់បឹងកេងកង១ ខណ្ឌចំការមន ដោយបាញ់សម្លាប់៣គ្រាប់ចំក្បាល ហើយខ្មាន់កាំភ្លើងជិះម៉ូតូគេចខ្លួនតែម្តង។
ក្រោយពេលកើតហេតុ ភរិយាជនរងគ្រោះ បានមកដល់ និងបានបញ្ជាក់ថា ប្តីរបស់គាត់មានឈ្មោះ ឡោ សុភាព អាយុ៣២ឆ្នាំ ជាប្រធានរដ្ឋបាល នៅរោងចក្រមួយកន្លែងនៅផ្លូវវែងស្រេង ចំណែករូបគាត់មានឈ្មោះ ឃ្លាំង ស្រីមុំ ជាបុគ្គលិកក្រុមហ៊ុនឯកជន ហើយករណីបាញ់សម្លាប់ប្ដីគាត់នេះ គាត់មិនដឹងពីមូលហេតុនោះទេ ខណៈដែលសមត្ថកិច្ចបានសន្និដ្ឋាននជាជំហានដំបូងថា អាចជាករណីគំនុំ ព្រោះនៅមុនពេលកើតហេតុ ជនរងគ្រោះបានស្រែកថា «ចាំអញសងលុយៗៗ» ប៉ុន្តែខ្មាន់កាំភ្លើងមិនព្រមស្ដាប់ និងបានបាញ់ចំក្បាល និងក្បាលពោះ ដោយប្រើកាំភ្លើង K59៕
មតិយោបល់