រ៉ងហ្គូន៖ ប្រទេសមីយ៉ាន់ម៉ា ឬភូមា នឹងប្រកាសលទ្ធផលនៃការបោះឆ្នោតជាសកលនៅថ្ងៃនេះ បន្ទាប់ពីប្រទេសមួយនេះ បានធ្វើការបោះឆ្នោតជាសកល សេរី និងប្រកបដោយលទ្ធិប្រជាធិបតេយ្យ ពេញលេញបំផុត កាលពីថ្ងៃអាទិត្យម្សិលមិញ។
ពលរដ្ឋភូមា ប្រមាណ ៩០ភាគរយ ដែលស្មើនឹងជាង ៣៣លាននាក់ បាននាំគ្នាទៅបោះឆ្នោត ហើយនៅពេលនេះ ពួកគេកំពុងតែទន្ទឹងរង់ចាំលទ្ធផលយ៉ាងអន្ទះសារ បំផុត ព្រោះវាជាការបោះឆ្នោតជាប្រវត្តិសាស្ត្រនៅក្នុងរយៈពេល ២៥ឆ្នាំចុងក្រោយ។
ខណៈដែលលទ្ធផលមិនទាន់ចេញក្ដី ប៉ុន្តែគណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យ របស់លោកស្រី អ៊ុងសាន ស៊ូជី ត្រូវបានរំពឹងទុកថា នឹងឈ្នះឆ្នោត យ៉ាងភ្លូកទឹក ភ្លូកដីផងដែរ៕
មតិយោបល់