ការពិត! វ៉ាក់សាំង AstraZeneca ដែលកម្ពុជាកំពុងប្រើ គឺផ្សេងគ្នាពីវ៉ាក់សាំង AstraZeneca ដែលល្បីថា ឈាមកក
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានបញ្ជាក់នៅថ្ងៃទី១២ ខែមីនា ឆ្នាំ២០២១នេះថា វ៉ាក់សាំងដែលកម្ពុជាកំពុងចាក់ឱ្យប្រជាជន គឺជាវ៉ាក់សាំងផលិតនៅឥណ្ឌាឈ្មោះថា Covishield ដែលទទួលបានអាជ្ញាបណ្ណផលិតពីក្រុមហ៊ុនអង់គ្លេស AstraZeneca។
លោកស្រីបន្តថា វ៉ាក់សាំង Covishield នេះ គឺខុសគ្នាពីវ៉ាក់សាំង AstraZeneca ដែលប្រទេសអឺរ៉ុបកំពុងប្រើប្រាស់ ហើយដែលប្រទេសអឺរ៉ុបមួយចំនួនបានផ្អាកចាក់វ៉ាក់សាំងនេះ ក្រោយមានករណីឈាមកក។
បើតាមលោកស្រី ឱ វណ្ណឌីន មកដល់ពេលនេះ វ៉ាក់សាំង Covishield ដែលត្រូវបានចែកចាយនៅតាមប្រទេសក្រីក្រមួយចំនួន រាប់លានដូសនោះ គឺអង្គការសុខភាពពិភពលោក មិនទាន់ទទួលបានរបាយការណ៍ថា វ៉ាក់សាំងនេះបង្កឱ្យមានបញ្ហាប្រតិកម្មធ្ងន់ធ្ងរ ចំពោះអ្នកដែលបានចាក់ហើយនោះទេ៕
មតិយោបល់