បុរសម្នាក់ត្រូវបានឃាតករអារក សម្លាប់នៅក្នុងដីឡូត៍មួយកន្លែងជិតរោងចក្រថៃហ្គ័រ ស្ថិតនៅភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ កាលពីវេលាម៉ោងជាង ៧យប់ ថ្ងៃទី១៣ ខែមីនា ឆ្នាំ២០២១។
បើតាមសាច់ញាតិជនរងគ្រោះបានឲ្យដឹងថា ជនរងគ្រោះបានជិះម៉ូតូចេញបាត់ពីផ្ទះពីរបីថ្ងៃហើយ ទើបនៅយប់ថ្ងៃទី១៣ ខែមីនានេះ ទើបទទួលបានព័ត៌មានថា ជនរងគ្រោះត្រូវឃាតករអារកសម្លាប់។
បងប្រុសជនរងគ្រោះបានបញ្ជាក់ថា ប្អូនរបស់គាត់ចេញពីផ្ទះតាំងពីថ្ងៃទី១១ ខែមីនា ឆ្នាំ២០២១។
សមត្ថកិច្ចបានឲ្យដឹងថា ជនរងគ្រោះឈ្មោះ សៅ ត្រឿន ភេទប្រុស អាយុ៣៧ឆ្នាំ មុខរបរ មេការឡានដឹកដី ស្នាក់នៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ។ សាកសពធុំក្លិនស្អុយនិងរុយរោម។
តាមការសន្និដ្ឋានរបស់គ្រូពេទ្យជំនាញបានបញ្ជាក់ថា ជនរងគ្រោះស្លាប់ដោយអារក គឺជាករណីឃាតកម្មប្លន់យកសម្បត្តិ។ សម្ភារ:បាត់បង់មានម៉ូតូស៊េរី Dream០២០ ទូរស័ព្ទ០១គ្រឿង។
ចំពោះករណីនេះ សមត្ថកិច្ចបើកការស្រាវជ្រាវស៊ើបអង្កេត ដើម្បីកំណត់មុខសញ្ញា ជនល្មើសដើម្បីយកមកផ្តន្ទាទោសតាមច្បាប់៕
ប្រភព៖ រស្មីកម្ពុជា
មតិយោបល់