តើអ្វីទៅជា ICT?” នេះបើតាមចម្ងល់របស់សិស្ស និស្សិតមួយចំនួនដែលអ្នកខ្លះធ្លាប់តែឭគេនិយាយពីពាក្យ ICT ប៉ុន្តែខ្លួនមិនបានដឹងច្បាស់អំពីអត្ថន័យ ចំណែកឯអ្នកខ្លះទៀតយល់អំពីអត្ថន័យប៉ុន្តែបែរជាយល់ច្រឡំទៅវិញ។
ICT គឺជាពាក្យផ្លូវការមួយមកពីពាក្យពេញ Information Communication Technology ដែលក្ដោបយកក្រុមនៃឧបករណ៍ ឬ កម្មវិធីអាចទំនាក់ទំនងគ្នាបាន ក្នុងនោះមានដូចជា៖ វិទ្យុ, ទូរទស្សន៍, ប្រព័ន្ធកុំព្យូទ័រ, ឧបករណ៍កុំព្យូទ័រ និងកម្មវិធីកុំព្យូទ័រ។
+ I = Information ៖ គឺចង់ផ្ដោតទៅលើការផ្ទុកនិងគ្រប់គ្រងទិន្នន័យឲ្យមានលក្ខណ: សុក្រឹត រៀបរយទៅតាមប្រភេទទិន្នន័យនីមួយៗ និងអនុញ្ញាតឲ្យគេងាយទាញយកទិន្នន័យមកប្រើប្រាស់បានយ៉ាងឆាប់រហ័ស បំផុត។ កម្មវិធីប្រើសម្រាប់ការរក្សាទុកទិន្នន័យទាំងអស់នោះមានដូចជា Ms. Access, SQL Server, My SQL, Oracle, MDX និងកម្មវិធីជាច្រើនទៀត។
+ C = Communication៖ ការបង្កើតទំនាក់ទំនងដោយប្រព័ន្ធអេឡិចត្រូនិករវាងឧបករណ៍និងឧបករណ៍ ឬកម្មវិធីនិងកម្មវិធី មានដូចជា៖ Video Conference, ការសិក្សាពីចម្ងាយ, ការបញ្ជូនទិន្នន័យពីកន្លែងមួយទៅកន្លែងមួយទៀត, ប្រព័ន្ធពិគ្រោះយោបល់សុខភាព, ប្រព័ន្ធបណ្ណាល័យអេឡិចត្រូនិក(E-Library), ប្រព័ន្ធច្របាច់បញ្ចូលគ្នា រវាងប្រព័ន្ធទូរស័ព្ទនិងកុំព្យូទ័រ អាចឲ្យយើង Call ពីកុំព្យូទ័រទៅទូរស័ព្ទដៃបាន (VOIP= Voice Over Internet Protocol), និងការជជែកកម្សាន្តនៅលើអ៊ីនធឺណិតជាដើម។
ឧបករណ៍ ឬបច្ចេកវិទ្យាប្រើសម្រាប់ការទំនាក់ទំនងខាងលើមានដូចជា ការប្រើបណ្ដាញកុំព្យូទ័រ (Networking), ការភ្ជាប់ដោយមិនចាំបាច់ប្រើខ្សែ (Wireless Networking) និងបណ្ដាញអ៊ីនធឺណិតជាដើម។
+ T = Technology ៖ មានន័យថាជាការបញ្ជូនទិន្នន័យ, បង្កើតទំនាក់ទំនង, ផ្ទុកទិន្នន័យ, ការគណនា, បញ្ចូលទិន្នន័យ និងទាញទិន្នន័យពីកម្មវិធីដែលផ្ទុកមកវិញដោយបច្ចេកវិទ្យា។
ជាសរុបមក ICT គឺជា[បច្ចេកវិទ្យា ទាំងឡាយណាដែលអ្នកស្រាវជ្រាវ ឬអ្នកវិទ្យាសាស្ត្របង្កើតឡើងដើម្បីផ្ទុកទិន្នន័យ, បញ្ជូនទិន្នន័យ និងទំនាក់ទំនងនៅក្នុងស្ថាប័នមួយ, តំបន់មួយ និងឆ្លងពីតំបន់មួយទៅតំបន់មួយទៀត ក្នុងនោះគេក៏អាចហៅ ICT ជា IT] ក៏បានដែរ។
បើនិយាយអំពីវិស័យ ICT នៅក្នុងប្រព័ន្ធអប់រំវិញ ICT បានផ្ដល់អត្ថប្រយោជន៍ជាច្រើនដោយក្នុងនោះអាចឲ្យសិស្ស និស្សិតទំនាក់ទំនងតាមប្រព័ន្ធអ៊ីនធឺណិត ឬស្រាវជ្រាវឯកសារនៅលើ E-Library។ ប៉ុន្តែទោះជាយ៉ាងនេះក៏ដោយ ការសិក្សាជំនាញនេះមានត្រឹមតែ៦ទៅ៧ភាគរយ ប៉ុណ្ណោះ។
ប្រភព៖ FB camsyntax
មតិយោបល់